Jalgaon News: गिरड (ता. भडगाव) शिवारात बिबट्याचा वावर असल्याचे पुन्हा एकदा समोर आले आहे. मंगळवारी (ता. २३) सकाळी ऊसतोडणी सुरू असताना शेतात बिबट्याची तीन पिले आढळून आली. यामुळे शेतकरी आणि मजूर वर्गात प्रचंड भीती पसरली आहे. वन विभागाने या भागात तत्काळ पिंजरा लावून बिबट्याचा बंदोबस्त करावा, अशी मागणी होत आहे. .गिरड येथील शेतकरी नंदू मोतीराम पाटील यांच्या गट क्रमांक १४९ मधील पाच एकर क्षेत्रात सध्या ऊस तोडणीचे काम सुरू आहे. यात दोन ते अडीच एकर क्षेत्रावरील ऊस तोडणी झाली असून मंगळवारी (ता. २३) सकाळी सातच्या सुमारास ऊस तोडणी मजूर कामात व्यस्त असताना अचाकन काही पिलांचा आवाज ऐकू आला. .Leopard Sighting: विंगला घडतेय बिबट्याचे आता सहज दर्शन.आवाजाच्या दिशेने सोनू नाईक व संजय नाईक या ऊस तोड मजुरांनी जाऊन पाहिले असता, त्यांना बिबट्याची तीन पिले दिसली. त्यांनी तत्काळ शेतमालक नंदू पाटील व रवींद्र पाटील यांना कळविले. त्यांनी गिरडचे पोलिस पाटील विनोद मनोरे यांना या घटनेची माहिती दिल्यानंतर त्यांनी वनपाल तसेच भडगाव पोलिस पाटील ग्रुपवर ही माहिती शेअर केली. त्यानंतर ऊस तोड बंद ठेवण्यात आली..Leopard Sighting: वाहोलीपाडा परिसरात बिबट्याची दहशत.बिबट मादी पिलांना घेऊन गेलीज्या ठिकाणी बिबटची तीन पिले आढळून आली होती, त्या ठिकाणी दुसऱ्या दिवशी वनपाल नंदू पाटील व सहकाऱ्यांनी पाहणी केली असता, तिन्ही पिले जागेवर नव्हती. बिबटची मादी येऊन पिलांना घेऊन गेल्याचे दिसून आले. मात्र, ती आपल्या पिलांना नेमकी कुठल्या भागात घेऊन गेली, हे वन विभागाने अद्याप स्पष्ट केलेले नाही. .त्यामुळे बिबट व तिची तिन्ही पिले उसाच्या शेतात आहेत की अन्य कुठल्या ठिकाणी, हे समजत नसल्याने शेतकरी अधिकच धास्तावले आहेत. ‘ट्रॅप कॅमेऱ्या’नुसार पिंजरा लावून बिबट मादीला जेरबंद करावे, अशी मागणी शेतकऱ्यांमधून होत आहे..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
