Forest Department: पारनेर तालुक्यातील गुणोरे परिसरात बिबट्याचा वावर वाढल्याने मेंढपाळ, शेतकरी आणि ग्रामस्थांमध्ये भीतीचे वातावरण निर्माण झाले आहे. सलग दोन दिवस झालेल्या हल्ल्यांत दोन बोकडांचा बळी गेल्याने वन विभागाने तातडीने पिंजरा लावावा, अशी मागणी ग्रामस्थांनी केली आहे..पारनेर तालुक्यासह राहुरी, अहिल्यानगर, कोपरगाव, राहाता आणि संगमनेर तालुक्यातील अनेक गावांमध्ये बिबट्याचा वावर वाढल्याची तक्रार नागरिकांकडून केली जात आहे. पशुधनावरील हल्ल्यांसह मानवी वस्तीच्या परिसरात बिबट्याचे दर्शन होत असल्याने नागरिकांमध्ये चिंता वाढली आहे..Leopard Roar: श्रीरामपूर तालुक्यात बिबट्याचा धुमाकूळ सुरूच.गुणोरे परिसरात ढोकी (ता. पारनेर) येथील मेंढपाळ निवृत्ती नऱ्हे हे दरवर्षी मेंढपाळ व्यवसायासाठी वास्तव्यास येतात. दोन दिवसांपूर्वी मेंढ्यांना पाणी पाजण्यासाठी नेत असताना भास्कर मेसे यांच्या उसाच्या शेतात दबा धरून बसलेल्या बिबट्याने अचानक हल्ला केला. या हल्ल्यात सुमारे ३० हजार रुपये किमतीचा बोकड ठार झाला..त्यानंतर दुसऱ्याच दिवशी पहाटे पुन्हा बिबट्याने हल्ला करून भाऊ विठ्ठल मेसे यांच्या सुमारे १५ हजार रुपये किमतीच्या बोकडाचा फडशा पाडला. घटनेची माहिती मिळाल्यानंतर वन विभागाच्या अधिकाऱ्यांनी घटनास्थळी भेट देऊन पंचनामा केला..Leopard Captured: दोन पिलांसह मादी बिबट जेरबंद.सलग दोन दिवस झालेल्या हल्ल्यांमुळे परिसरातील मेंढपाळ, शेतकरी आणि ग्रामस्थांमध्ये भीतीचे वातावरण निर्माण झाले आहे. बिबट्याचा वाढता वावर लक्षात घेऊन तातडीने पिंजरा लावावा, अशी मागणी ग्रामस्थांनी केली आहे..मात्र, याबाबत अद्याप ठोस उपाययोजना झालेली नसल्याची नाराजीही व्यक्त करण्यात येत आहे. बिबट्याच्या भीतीमुळे अनेक नागरिक शेतात जाणे टाळत असून पशुधनाच्या सुरक्षेचा प्रश्न निर्माण झाला आहे..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
