Dhule News: शिरपूर तालुक्याच्या ग्रामीण भागात धुमाकूळ घालणारा बिबट्या शनिवारी (ता. १३) भरवाडे (ता. शिरपूर) शिवारात कोरड्या विहिरीत आढळला. त्याला बाहेर काढण्यासाठी वन विभागाने रेस्क्यू ऑपरेशन सुरू केले. मात्र, उशिरापर्यंत चिडलेला बिबट्या विहिरीतच होता..वनावल गटांतर्गत विविध गावांच्या शिवारात बिबट्याचा मुक्तसंचार असल्यामुळे शेतकऱ्यांमध्ये दहशत आहे. शनिवारी (ता. १३) दुपारी भरवाडे शिवारातील दिलीप गिरधर पाटील यांच्या शेतातील कोरड्या विहिरीत बिबट्या पडल्याचे दिसून आले. रात्रीच्या अंधारात भक्ष्याचा पाठलाग करताना तो विहिरीत पडल्याचा अंदाज आहे. सुमारे ३५ फूट खोल विहिर असल्यामुळे पडल्यानंतर त्याला इजा झाल्याचा अंदाज आहे..Leopard Rescue : दहशत माजवणारा बिबट्या अखेर पिंजऱ्यात.बिबट्या विहिरीत असल्याचे वृत्त पसरताच परिसरातील शेतकऱ्यांची गर्दी जमली. बोराडी व सांगवी वनक्षेत्राचे अधिकारी आणि कर्मचारी घटनास्थळी दाखल झाले. त्यांच्याकडून तातडीने रेस्क्यू ऑपरेशनला सुरुवात झाली. .Leopard Rescue : विहिरीत पडलेला बिबट्या वन विभागाकडून जेरबंद.कोंबडी ठेवलेला पिंजरा दोराने बांधून विहिरीत सोडण्यात आला. मात्र पिंजऱ्याच्या आजूबाजूने फिरण्याशिवाय बिबट्याने कोणतीच हालचाल केली नाही. सायंकाळी उशिरापर्यंत तो पिंजऱ्यात शिरला नव्हता. अंधार झाल्यामुळे रेस्क्यू मोहिमेत अडथळे येत होते. मात्र, वनविभागाचे अधिकारी घटनास्थळी ठाण मांडून होते..पशुपालक चिंतेतबिबट्याकडून पशुधनाची शिकार होत असल्यामुळे पशुपालक वैतागले आहेत. तर शेतकऱ्यांमध्ये भीतीचे वातावरण आहे. रात्री शेतात पाणी भरण्यासाठी शेतकऱ्यांना गटागटाने जावे लागते. सालदार शेतात थांबण्यास तयार नाहीत. मजूर दहशतीत आहेत. त्याचा परिणाम शेतीव्यवसायावर झाला आहे. वनविभागाने बिबट्याची सुटका करुन कायमच्या निगराणीखाली राहील, अशा बंदिस्त ठिकाणी रवाना करावे, अशी अपेक्षा शेतकऱ्यांनी व्यक्त केली. .ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
