Nashik News : शेतीचा आधार म्हणावा तर भाव नाही, पोल्ट्रीतून आशा होती तीही उद्ध्वस्त, बागलाण तालुक्यातील नांदिन येथील शिवारात गुरुवारी (ता. १८) रात्री घडलेली एक घटना संपूर्ण परिसराला हादरवून गेली. शेतीला पूरक म्हणून उभारलेल्या पोल्ट्री फार्ममध्ये शिरून बिबट्याने हल्ला केल्याने शंभरहून अधिक कोंबड्यांचा फडशा पाडला.या प्रकारामुळे आर्थिक नुकसान मोठे आहे..सरलाबाई कारभारी शिंदे यांच्या शेतातील (गट क्रमांक १६४)मध्ये मुले सतीश आणि नीलेश यांनी मिळून शेतीला आधार म्हणून २० गुंठ्यांमध्ये सुमारे ४५०० कोंबड्यांचा पोल्ट्री फार्म सुरू केला आहे..Leopard Attack : निमगावात बिबट्याचा घोड्याच्या शिंगरूवर हल्ला.कांद्याला योग्य दर मिळत नसल्यामुळे त्यांनी शेतीला पूरक उद्योग निवडला आणि त्यातूनच घरखर्च, मुलांच्या शिक्षणाचा भार सावरत होते.मात्र गुरुवार (ता. १८) रोजी रात्री साधारणतः ९ वाजण्याच्या सुमारास पोल्ट्रीमध्ये अचानक कोंबड्यांचा प्रचंड गोंधळ सुरू झाला. .आवाज ऐकून धावत आलेल्या सतीश आणि नीलेश यांच्या डोळ्यांसमोर एक भयावह चित्र उभे होते.पोल्ट्रीत बिबट्या आत शिरलेला होता आणि कोंबड्यांवर हल्ला करत होता. घटनेनंतर तातडीने सामाजिक कार्यकर्ते बंटी पाटील यांनी ताहराबाद वनविभागाला माहिती दिली..Leopard Sighting : धामणी धरण परिसरात पुन्हा बिबट्याचे दर्शन .वनकर्मचारी घटनास्थळी पोहोचले, पण केवळ पाहणी करून निघून गेल्याचे शेतकऱ्यांनी सांगितले. या भागात ही बिबट्याची तिसरी घटना असूनही वनविभागाकडून अद्याप ठोस उपाययोजना करण्यात आलेली नाही. .शेतकऱ्यांच्या संतप्त प्रतिक्रिया उमटू लागल्या असून, दुसऱ्या दिवशी शुक्रवार (ता. १९) दुपारी दोन वाजेपर्यंत वनमजुरांकडून पोल्ट्री परिसरात पिंजरा लावण्याचे काम युद्धपातळीवर सुरू होते. आता सर्वांचे लक्ष या पिंजऱ्यात बिबट्या अडकतो का ? याकडे लागले आहे. .ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
