Solapur News : वेळ रविवारी (ता. १४) रात्रीची... पावसाची रिपरिप चालूच होती... रात्रीच्या काळोखात बिबट्या दबक्या पावलांनी अंकुश अण्णासाहेब मगर यांच्या अंगणात आला.... दारात बांधलेला काटेवाडी जातीचा सहा महिने वयाचा जातिवंत घोड्याचा शिंगरू (पिलू) फरपटत उसाच्या फडात नेला... पाहिजे तेवढा फस्त करून बिबट्याने तेथून धूम ठोकली... निमगाव- मळोली रस्त्यावरील ही घटना असून, शेतकरी अंकुश मगर हे सकाळी लवकर उठून पाहतात तर अंगणात शिंगरू गायब होता..सहा महिने वयाचा घोडा इकडे तिकडे सुटून गेला असेल, या शंकेने अंकुश मगर हे घोडा इकडे तिकडे शोधला; परंतु त्यांना तो कुठेच आढळून आला नाही. यानंतर ते आपले पुतणे विश्वनाथ ऊर्फ बापू मगर याला बोलावले व इतरांच्या मदतीने अंगणातील पाऊलखुणा शोधण्याचा प्रयत्न केला. या पाऊलखुणा त्यांना उसाच्या शेतापर्यंत घेऊन नेल्या. .Leopard In Solapur: बिबट्यांची संख्या पन्नास की शंभर?.पाऊलखुणांच्या आधारे ते उसाच्या शेतात शिरले तर त्या ठिकाणी त्यांना मृत अवस्थेत घोड्याचे पिल्लू बिबट्याने अर्धवट खाल्लेल्या अवस्थेत आढळून आले. बिबट्या आसपास असेल, ही शंका मनात आल्याने त्यांनी मोठ्याने आवाज काढून पाळीव कुत्र्यांच्या आधारे उसामध्ये दगडफेक केली. त्यानंतर वनपालांना या ठिकाणी पाचारण करण्यात आले..Leopard Terror : बिबट्याच्या हल्ल्यांचा बंदोबस्त करा .वनविभागाचे अधिकारी व कर्मचाऱ्यांनी तत्काळ येऊन घटनास्थळाची पाहणी केली असता, त्या ठिकाणच्या पावलांचे ठसे घेऊन त्यांनी त्यांच्या वरिष्ठांना याबाबत सविस्तर माहिती दिली. परंतु अंकुश मगर या शेतकऱ्याचे जातिवंत घोड्याचे पिल्लू बिबट्याने ठार केल्याने या शेतकऱ्याचे जवळपास एक लाख रुपयांचे नुकसान झाले असून, संबंधित शेतकऱ्यास नुकसान भरपाई मिळावी व बिबट्याचा वनविभागाने योग्य तो बंदोबस्त करावा, अशी मागणी निमगाव- मळोली रस्त्यावरील शेतकऱ्यांच्या वतीने करण्यात आली..निमगाव-मळोली रस्त्यावरील अंकुश मगर या शेतकऱ्याच्या घोड्याचा पिल्लू बिबट्याने ठार केला असून, त्या ठिकाणचे पावलांचे ठसे हे बिबट्याचे आहेत. यामुळे या परिसरातील लोकांनी रात्रीच्या वेळी बाहेर पडू नये. लहान मुलांची व आपल्या जनावरांची योग्य ती काळजी घ्यावी. वनविभागाच्या वतीने लवकरच हा बिबट्या जेरबंद करण्यासाठी वरिष्ठांच्या मार्गदर्शनाखाली योग्य त्या उपाययोजना सुरू आहेत.- ए. एस. लोखंडे, वनपाल, पिलीव विभाग.ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
