Ahilyanagar News: निंबळक (ता. अहिल्यानगर) येथे शुक्रवारी (ता. १४) सायंकाळी आठ वर्षीय मुलाला बिबट्याने उचलून नेण्याचा प्रयत्न केला. मात्र वडिलांच्या प्रसंगावधानाने मुलाचा जीव वाचला आहे. खारेकर्जुने येथे बिबट्या हल्ल्यातील सहा वर्षीय मुलीच्या मृत्यूनंतर तेथून जवळच असलेल्या निंबळकला ही घटना घडल्यामुळे या भागातील शेतकरी, नागरिक भयभीत झाले आहेत..अहिल्यानगर औद्योगिक वसाहतीच्या पश्चिमेला दहा किलोमीटर परिसरातील खारेकर्जुने, इसळक, निंबळक परिसरात गेल्या काही दिवसांपासून बिबट्याची दहशत आहे. तालुक्यातील खारेकर्जुने येथील रियंका सुनील पवार या सहा वर्षीय मुलीचा दोन दिवसांपूर्वी बिबट्याच्या हल्ल्यात मृत्यू झाल्यानंतर तिसऱ्याच दिवशी निंबळक येथील राजवीर रामकिसन कोतकर (वय ८) या मुलाला उचलून नेण्याचा प्रयत्न केला, परंतु वडिलांच्या प्रसंगावधानाने मुलाचा जीव वाचला आहे..Leopard Attack: बिबट्याच्या हल्ल्यात महिलेचा मृत्यू.निंबळक येथील वैष्णोमाता मंदिरालगत कोतकर वस्ती आहे. या वस्तीवरील रामकिसन कोतकर यांचा मुलगा राजवीर बाहेर खेळत होता. त्यावेळी त्याच्यावर झडप घालत त्याला जबड्यात धरून बिबट्या पळाला. तशा अवस्थेत आरडाओरड करत राजवीरने स्वतःची सुटका करून घेण्याचा प्रयत्न सुरू केला. मुलाच्या आवाजाने सावध झालेल्या रामकिसन यांनी प्रसंगावधान राखत मोटारसायकल चालू करून पाठलाग करत ती बिबट्याच्या अंगावर घातली..Kolhapur Leopard Attack: कोल्हापूर शहरातील मुख्य वस्तीत बिबट्याचा थरार, तिघांवर हल्ला, दोन तासांत जेरबंद.या प्रतिहल्ल्याने बिबट्याने राजवीरला सोडून दिले. रक्तबंबाळ राजवीरला तात्काळ अहिल्यानगरला खासगी रुग्णालयात उपचारासाठी दाखल केले गेले. राजवीरच्या मानेला, तसेच शरीराच्या इतर काही भागांवर बिबट्याच्या दाताचे व पंजाच्या नखांचे ओरखडे उमटले असून गंभीर जखमा झाल्या आहेत..खारेकर्जुने येथील नरभक्षक बिबट्याचा अद्यापही शोध लागला नाही. त्यातच निंबळकला पुन्हा हल्ला केल्याने लोक भीतीच्या सावटाखाली वावरत आहे. दोन दिवसांपूर्वी रात्रीच्या सुमारास अवघ्या शंभर फूट अंतरावरती वन विभागाच्या कर्मचाऱ्यांना बिबट्या दिसला होता. त्यांनी त्याला बेशुद्ध करून पकडण्यासाठी तयारी सुरू केली होती. परंतु, बिबट्याने तिथून धूम ठोकली. त्यानंतर या भागातील पानसंबळ वस्तीजवळील कुत्र्याला बिबट्याने मारले..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
