OBC Reservation Protest: एकीकडे मराठा समाजाच्या विविध मागण्यांसाठी मनोज जरांगे पाटील यांचे अंतरवाली सराटीत आंदोलन सुरु आहे. त्यांनी मुंबईत धडक देण्याचा इशारा दिला आहे. तर आता दुसरीकडे ओबीसी नेते लक्ष्मण हाके यांनीही ओबीसी समाजाच्या न्याय्य हक्कासाठी आक्रमक भूमिका घेतली आहे. त्यांच्या नेतृत्त्वाखालील महाएल्गार मोर्चाने आज पाटस (ता. दौंड, जि. पुणे) येथून मुंबईकडे कूच करण्याचा प्रयत्न केला. पण पोलिसांनी त्यांना पुढे जाण्यापासून थांबवले. पण हाके यांनी मुंबईतील आंदोलनावर ठाम असल्याचे स्पष्ट केले..ओबीसींच्या न्याय हक्कासाठी १ सप्टेंबर रोजी मुंबईत आंदोलन करण्याची हाक हाके यांनी दिली. त्यासाठी पुणे जिल्ह्यातील पाटस येथील टोल नाक्यावरुन ओबीसींचा मोर्चा मुंबईच्या दिशेने निघणार होता. त्यासाठी ओबीसी समाज एकवटला. पण पोलिसांनी त्यांना पुढे जाण्यापासून रोखले. हाकेंच्या आंदोलनामुळे पुणे- सोलापूर महामार्गावरील वाहतूक ठप्प झाली. पाटस टोलनाका परिसरात मोठा पोलिस बंदोबस्त तैनात करण्यात आला आहे. .Manoj Jarange Patil: उपोषण सोडणार नाही, मुंबईत जाणारच; मनोज जरांगे पाटलांची ठाम भूमिका.आज आंदोलकांसोबत मुंबईकडे रवाना होणार असल्याचे हाकेंनी सांगितले. पोलिसांनी परवानगी दिली अथवा नाही दिली तरी आपण आंदोलन करणारच, अशी ठाम भूमिका घेत त्यांनी यावेळी राज्य सरकारवर जोरदार टीका केली. ''पोलिसांची परवानगी मिळो न मिळो आम्ही आंदोलन करणार आहोत. आम्ही पोलिसांकडे रितसर विनंती केली आहे. मुख्यमंत्री फडणवीस यांनी याप्रश्नी बोलावे. मनोज जरागेंच्या मताला जर सरकार घाबरले असेल आणि जर ओबीसींना पायाखाली चिरडत असाल तर ओबीसींचे मतदान किती आहे? हे सांगायची गरज नाही'', असा सवाल हाके यांनी केला..Maratha Reservation Protest: मनोज जरांगे यांच्या उपोषणाला सुरुवात.ओबीसींच्या न्याय्य हक्कांसाठी आणि आरक्षणाच्या संरक्षणासाठी संघर्षाची ठिणगी पेटली आहे. आमची लढाई ओबीसींचे अस्तित्त्व टिकवण्यासाठी आहे. पाटस येथून मुंबईकडे कूच करताना पोलिसांनी आम्हाला अडवले. मात्र आम्ही मुंबई जाम करणारच, असा इशारा त्यांनी दिला आहे..पोलिसांनी परवानगी नाकारलीयाबाबत बोलताना पुणे ग्रामीणचे पोलीस अधीक्षक संदीप सिंग गिल यांनी सांगितले की, ओबीसींच्या आझाद मैदानावरील मोर्चाला मुंबई पोलिसांनी परवानगी नाकारली आहे. म्हणून आम्हीदखील त्यांना परवानगी दिलेली नाही. त्यांना सहकार्याची भूमिका घेण्याची विनंती केली आहे. ते सहकार्य करत आहेत. त्यांना आम्ही मुंबईला जाण्यापासून थांबवले आहे. पुढे जाण्यासाठी त्यांच्याकडे परवानगी नाही. आम्ही कोणतीही वाहने अडविलेली नाहीत. त्यांचे जे काही म्हणणे आहे ते आम्ही शासनापर्यंत पोहोचवू. .ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
