Latur News: लातूर जिल्ह्यात मोठ्या प्रमाणावर उभारण्यात आलेल्या पवनचक्की व सौर ऊर्जा प्रकल्पांच्या सुरक्षेच्या दृष्टीने बुधवारी (ता. ११) पोलिस अधीक्षक अमोल तांबे यांनी आढावा घेतला. या बैठकीस लातूर जिल्ह्यातील विविध पवनचक्की व सौर ऊर्जा प्रकल्पांचे प्रतिनिधी, प्रकल्प धारक व संबंधित अधिकारी उपस्थित होते..लातूर जिल्ह्यातील अनेक पवनचक्की व सौर ऊर्जा प्रकल्प हे दुर्गम व निर्जन भागामध्ये असल्यामुळे त्या ठिकाणी कॉपर वायर, ॲल्युमिनिअम वायर तसेच इतर विद्युत साहित्य चोरीचे प्रकार घडण्याची शक्यता वाढते. या पार्श्वभूमीवर अशा चोरीच्या घटनांना प्रतिबंध घालण्यासाठी तसेच प्रकल्पांच्या सुरक्षेला अधिक बळकटी देण्यासाठी या बैठकीचे आयोजन करण्यात आले होते..Agriculture Electric Pump: विद्युत पंपांच्या चोरीने शेतकरी त्रस्त.बैठकी दरम्यान पोलिस अधीक्षक तांबे यांनी सर्व प्रकल्प धारकांना सुरक्षा व्यवस्थेबाबत विविध महत्त्वपूर्ण सूचना दिल्या. प्रकल्प परिसरामध्ये सीसीटीव्ही कॅमेरे व ट्रॅप कॅमेरे बसविणे, तसेच प्रकल्पाच्या चारही बाजूंनी आयपी कॅमेरे बसवून रात्रीच्या वेळी हालचाल टिपणारे मोशन सेन्सर कॅमेरे बसविणे आवश्यक असल्याचे त्यांनी सांगितले. तसेच दुर्गम भागातील पवनचक्की व सौर प्रकल्पांच्या परिसरात उच्च क्षमतेचे विद्युत दिवे (हाय मास्ट लाईट्स) बसवून परिसर अधिक प्रकाशमान ठेवण्याचे निर्देश देण्यात आले..Subsidized Electricity Scheme: कृषिपूरक व्यवसायांना लवकरच सवलतीच्या दराने वीज.प्रकल्प परिसरात चारचाकी वाहन व दुचाकीवर सुरक्षा रक्षकांना प्रभावीपणे गस्त घालता यावी यासाठी रस्ता ठेवणे आवश्यक असल्याचेही नमूद करण्यात आले. प्रकल्प परिसरात संशयास्पद हालचाली आढळल्यास त्वरित माहिती मिळावी यासाठी अलार्म सिस्टीम व जिओ-फेन्सिंग तंत्रज्ञानाचा वापर करण्याबाबतही सूचना देण्यात आल्या. तसेच सौर व पवनचक्की प्रकल्पांवर काम करणारे कामगार व सुरक्षा रक्षक यांची पोलिस विभागामार्फत चारित्र्य पडताळणी करूनच त्यांची नियुक्ती करावी, अशी सूचना त्यांनी केली..प्रकल्पातील चोरीचे प्रकार हे बहुतांश वेळा त्या प्रकल्पाशी संबंधित कामगार किंवा पूर्वी काम करून गेलेल्यांकडून होत असल्याचे दिसून येते. त्यामुळे कामगारांची पार्श्वभूमी तपासणे तसेच त्यांच्यावर देखरेख ठेवणे आवश्यक असल्याचेही त्यांनी सांगितले. याशिवाय सौर व पवनचक्की प्रकल्पांमध्ये वापरण्यात येणाऱ्या विद्युत वायर शक्य असल्यास जमिनीखाली टाकाव्यात व त्यावर सिमेंटचा थर द्यावा, जेणेकरून त्या सहजपणे काढता येणार नाहीत. तसेच उपकरणांच्या सुरक्षेसाठी ॲन्टी-थेफ्ट नट-बोल्टचा वापर करणे किंवा आवश्यक त्या ठिकाणी वेल्डिंग करणे यासारख्या उपाययोजनाही करण्याबाबत सूचना देण्यात आल्या..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
