Monsoon Delay Impacts: पावसाळ्याचा दीड महिना उलटून गेला, तरी जिल्ह्यात अपेक्षित पाऊस झाला नाही. जिल्ह्यात ५५ टक्के पेरण्या झाल्या असल्या, तरी पावसाने दडी मारल्याने त्याही धोक्यात आल्या आहेत, तर उर्वरित ४५ टक्के क्षेत्रावर अद्याप पेरण्याही झाल्या नाहीत. सुरवातीला जिल्ह्यात अनेक ठिकाणी पडलेल्या पावसाने शेतात अपेक्षित ओल झाल्याने शेतकऱ्यांनी पेरणी उरकली होती. पेरलेले उगवलेही; मात्र त्यानंतर पावसाने उघडीप दिल्याने पिकांची वाढ खुंटली. त्यामुळे बळिराजाची चिंता वाढली आहे..जिल्ह्यात यावर्षी खरीप हंगाम धोक्यात असल्याचे चित्र आहे. जून महिन्यात फारसा पाऊस झाला नाही. अधूनमधून झालेला पाऊस व जुलैच्या सुरवातीचे दोन-तीन दिवस झालेल्या पावसामुळे जिल्ह्यात काही ठिकाणी खरिपाच्या पेरण्या झाल्या. त्यात लातूर तालुक्यात सर्वात कमी ३६ टक्केच पेरणी झाली आहे. जळकोट तालुक्यात अपेक्षित पावसापेक्षा अधिक चांगला पाऊस झाला आहे. .Kharif Sowing: गतवर्षी जादा पाऊस, यंदा कमालीची ओढ.त्यामुळे या तालुक्यात खरीप पेरणी ९५ टक्क्यांच्या पुढे गेली आहे. इतर तालुक्यांतही फारशी समाधानकारक स्थिती नाही. ज्या ठिकाणी पेरणी झाली आहे, तेथेही पाऊस नसल्याने पिके धोक्यात आली आहेत, तर पावसाअभावी पेरणी नसल्याने उर्वरित भागांतील शेतकरी चिंचेत आहेत. जिल्ह्यातील शेतकऱ्यांना पावसाची प्रतीक्षा आहे..Kharif Sowing Delayed: पावसाच्या खंडामुळे खरिपाच्या पेरण्यांना ‘ब्रेक’.सोयाबीनवरच आशाजिल्ह्यात खरिपात सर्वात जास्त क्षेत्र हे सोयाबीनचे आहे. जिल्ह्यात सोयाबीनचे अपेक्षित पेरणी क्षेत्र चार लाख ४५ हजार ८९४ हेक्टर आहे. आतापर्यंत केवळ दोन लाख ७१ हजार २८४ हेक्टर क्षेत्रावरच पेरणी होऊ शकली आहे. ४० टक्के क्षेत्रावर अद्याप पेरणीही झाली नाही. पेरणी झालेल्या ठिकाणी पाऊस नसल्याने पिके धोक्यात आहेत. पावसाकडे शेतकऱ्यांचे लक्ष लागले आहे..लातूर तालुक्यातील कासारखेडा, चिकलठाणा, मळवटी, बामणी परिसराची विभागीय कृषी सहसंचालक महेश तीर्थकर यांनी पाहणी केली. शेतकऱ्यांशी संपर्क साधून परिस्थितीची माहिती घेतली; पण अनेक ठिकाणी पेरण्याच झालेल्या नाहीत. कृषी विभागाने खरीप हंगामातील बैठका घेऊन पेरणीची पूर्ण तयारी केली होती. शेतकऱ्यांना बियाणे उगवण क्षमता, बीजप्रक्रिया करून विविध प्रात्यक्षिके दाखविण्यात आली. परंतु, अजूनपर्यंत पाऊसच नसल्याने पेरणी झालेली नाही.- विशाल झांबरे, सहायक कृषी अधिकारी, चिकलठाणा.ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
