Police Action: सहकारमंत्री बाबासाहेब पाटील यांच्या जिल्ह्यात जिल्हा प्रशासन, पोलिस आणि सहकार विभागाने बेकायदा सावकारांविरोधात कारवाईची मोहीम तीव्र केली आहे. गेल्या काही महिन्यांत अनेक खासगी सावकारांच्या घरांवर छापे टाकून बेकायदा सावकारीशी संबंधित कागदपत्रे सहकार विभागाने जप्त केली आहेत. दुष्काळाच्या पार्श्वभूमीवर खासगी सावकारांकडून शेतकऱ्यांची आर्थिक पिळवणूक होण्याची शक्यता लक्षात घेऊन त्याला आळा घालण्यासाठी पोलिस विभागाने ‘पोलिस आपल्या गावात’ हा उपक्रम हाती घेतला आहे. त्यातच सलग दोन दिवसांत सहकार विभागाने नऊ सावकारांच्या ठिकाणी छापे टाकल्याने बेकायदा सावकारी करणाऱ्यांचे धाबे दणाणले आहेत..काही महिन्यांपासून जिल्ह्यात बेकायदा सावकारी व्यवसायाविरुद्ध मोठ्या संख्येने तक्रारी पुढे आल्या आहेत. बचत गट, स्मॉल फायनान्स आणि अन्य माध्यमांतून अनेक जण बेकायदा सावकारी करून शेतकरी व नागरिकांची पिळवणूक करत असल्याचे समोर आले आहे. या विषयावर विधिमंडळातही प्रश्न उपस्थित झाला होता. त्याची गंभीर दखल सहकार विभागाने घेतली असून, सावकारांविरोधात कारवाईची मोहीम सुरू केली आहे..Illegal Money lending : दहा रुपयांच्या कामासाठी ३०० रुपयांचा ‘दर’.काही महिन्यांपासून विभागाने ही मोहीम हाती घेत अनेक सावकारांच्या घरांवर छापे टाकून बेकायदा सावकारीशी संबंधित कागदपत्रे जप्त केली आहेत. शहरात मंगळवारी (ता. २९) सहा संशयित सावकारांच्या ठिकाणी एकाचवेळी छापे टाकून सहकार विभागाच्या पथकाने बेकायदा सावकारीशी संबंधित धनादेश, खरेदीखत, कर्ज व्यवहाराशी संबंधित कागदपत्रे आणि इतर महत्त्वपूर्ण दस्तऐवज चौकशीसाठी जप्त केले..लातूरचे सहायक निबंधक (सहकारी संस्था) रवी गडेकर यांनी पाच स्वतंत्र पथके तयार करून ही कारवाई केली. डी. बी. कांबळे, पराग देशमुख, जे. एस. चिल्ले, एस. जे. जाधव आणि अंकुश धुमाळ यांच्या पथकांनी संबंधित ठिकाणी कारवाई केली. जप्त केलेल्या कागदपत्रांची आणि साहित्याची तपासणी करण्यात येणार असून, तपासणीत निष्पन्न होणाऱ्या बाबींनुसार महाराष्ट्र सावकारी (नियमन) अधिनियमांतर्गत संबंधितांविरुद्ध पुढील कार्यवाही केली जाणार आहे..लातूर तालुक्यात अवैध सावकारीबाबत माहिती असल्यास नागरिकांनी सहायक निबंधक, सहकारी संस्था, लातूर कार्यालय, तळमजला, मध्यवर्ती प्रशासकीय इमारत, लातूर येथे माहिती द्यावी, असे आवाहन सहायक निबंधक गडेकर यांनी केले आहे..त्यानंतर बुधवारी (ता. ३०) दुसऱ्या दिवशी देवणी तालुक्यातील वलांडी व कवठाळा येथे तीन ठिकाणी छापे टाकण्यात आले. सहकार विभाग आणि पोलिसांनी संयुक्तपणे ही कारवाई केली. सहकार विभागाकडे प्राप्त झालेल्या तक्रारीच्या आधारे वलांडी येथील पांडुरंग रामचंद्र पांचाळ यांच्याविरोधात ही कारवाई करण्यात आली. त्यांच्या वलांडी आणि कवठाळा येथील राहत्या घरांसह वलांडी येथील श्रीराम मोबाईल शॉप अशा एकूण तीन ठिकाणी एकाचवेळी कारवाई करण्यात आली..Illegal Money Lending: अवैध सावकारीस सात वर्षांपर्यंत कारावास; एक लाखांच्या दंडासह तुरुंगवासासाठी दुरुस्ती विधेयक.कारवाईत पथकप्रमुख म्हणून दीपक कांबळे, श्याम जाधव आणि रवी गायकवाड यांनी काम पाहिले. झडतीदरम्यान पुढील चौकशीच्या दृष्टीने महत्त्वाच्या असलेल्या कथित अवैध सावकारी व्यवहारांच्या हिशोबाच्या वह्या तसेच खरेदी-विक्रीचे विविध दस्तऐवज पथकाने ताब्यात घेतले आहेत. सध्या या प्रकरणी महाराष्ट्र सावकारी (नियमन) अधिनियम २०१४ च्या कलम १६ अन्वये पुढील सखोल चौकशी सुरू आहे..बेकायदा सावकारी व्यवहारांवर प्रभावी नियंत्रण ठेवण्यासाठी आणि कठोर कारवाई करण्यासाठी सर्व नागरिकांनी पुढे यावे, असे आवाहन करण्यात आले आहे. बेकायदा सावकारांची माहिती देणाऱ्या तक्रारदाराचे नाव पूर्णपणे गोपनीय ठेवले जाईल आणि आवश्यक ती सर्व कायदेशीर कारवाई केली जाईल, असे देवणीचे सहायक निबंधक एम. डी. कच्छवे यांनी स्पष्ट केले..‘पोलिस आपल्या गावात’ अभियानदुष्काळाच्या पार्श्वभूमीवर पोलिसांनी ‘पोलिस आपल्या गावात’ अभियान हाती घेतले असून, यात शेतकऱ्यांना सावकारांपासून संरक्षण देण्यास पहिले प्राधान्य असणार असल्याचे पोलिस अधीक्षक अमोल तांबे यांनी सांगितले. दुष्काळामुळे शेतीचे उत्पन्न घटल्यास शेतकरी आर्थिक अडचणीत येण्याची शक्यता असते. अशा परिस्थितीत अवाजवी व्याजदराने खासगी सावकारांकडून कर्ज घेतल्याने आर्थिक वाद आणि कर्जबाजारीपणाच्या समस्या निर्माण होऊ शकतात. .त्यामुळे शेतकऱ्यांना कायदेशीर मार्गाने उपलब्ध असलेल्या आर्थिक सहाय्याच्या पर्यायांबाबत तसेच अवैध सावकारीपासून संरक्षणासाठी असलेल्या कायदेशीर तरतुदींबाबत मार्गदर्शन करण्यात येणार असल्याचे तांबे यांनी स्पष्ट केले. स्थलांतरित कुटुंबांच्या सुरक्षेकडे विशेष लक्ष देणे, चोऱ्या व घरफोड्यांना प्रतिबंध करणे, तरुणांशी संवाद साधणे, त्यांना गुन्हेगारी आणि व्यसनापासून दूर ठेवण्याचा प्रयत्न करणे, प्रत्येक गावात ग्राम सुरक्षा दलाची उभारणी करणे आदी उपक्रम अभियानात राबविण्यात येणार असल्याचे तांबे यांनी सांगितले..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
