Agricultural Crisis: नियमित व मुदतीत पीक कर्जाची परतफेड करणाऱ्या शेतकऱ्यांची पन्नास हजार रुपयाच्या प्रोत्साहन अनुदानावर बोळवण करत वाऱ्यावर सोडणाऱ्या राज्य सरकारला क्रांतिकारी शेतकरी संघटना व शेतकरी रास्ता रोको आंदोलनातून जाब विचारणार असल्याची माहिती संघटनेचे प्रदेशाध्यक्ष राजीव कसबे यांनी दिली. .सरकारच्या कुटील कारस्थान करत असल्याने शेतकऱ्यात प्रचंड असंतोष असून येत्या २४ ऑगस्ट रोजी सकाळी साडेदहा वाजता लामजना (ता. औसा) येथे हे आंदोलनातून शेतकरी हा असंतोष व्यक्त करतील, असेही कसबे यांनी सांगितले. दरम्यान संघटनेने याबाबतचे निवेदन मंगळवारी (ता. १८) औशाचे तहसीलदारांना देत आंदोलनात शेतकऱ्यांनी मोठ्या संख्येने सहभागी व्हावे, असे आवाहन केले..Beed Farmers' Protest: शेतकऱ्यांचा बीड-पिंपळनेर मार्गावर 'रास्ता रोको'.निवडणुकांपूर्वी भाजपने शेतकऱ्यांचा सातबारा कोरा करण्याचा शब्द दिला होता. मात्र सरकारने हा शब्द पाळला नाही आणि पुण्यश्लोक अहिल्यादेवी होळकर शेतकरी कर्जमुक्ती योजना जाहीर करून प्रामाणिकपणे कर्जफेड करणाऱ्या शेतकऱ्याला वाऱ्यावर सोडण्याचे महापाप केल्याचे निवेदनात म्हटले आहे. निसर्गाचा प्रकोप होऊन अस्मानी संकट कायम शेतकऱ्यांच्या डोक्यावर असताना सरकार मात्र बघ्याची भूमिका घेत आहे..Rasta Roko Agitation : सौंदाळे येथे पाणंद रस्त्यासाठी शेतकऱ्यांचा ‘रास्ता रोको’.हक्काचा पीक विमा, सरसकट कर्जमुक्ती, उत्पादन खर्चावर आधारित शेतीमालाला भाव द्यावा व एक रुपयातील चार ट्रिगर वाली पिकविमा योजना पुन्हा सुरु करावी, या मागण्यांसाठी शेतकरी रस्त्यावर येऊन सरकार विरोधात संताप व्यक्त करणार आहेत. हे सरकार सर्वच आघाड्यावर अपयशी ठरले आहे. गतवर्षी मुख्यमंत्र्यांनी अतिवृष्टी वेळी १७५०० रुपये पीकविमा देण्याचे आश्वासन दिले होते. मात्र शेतकऱ्याला एक रुपयाही दिला नाही. यामुळे सरकारला शेतकऱ्याचे देणे घेणे उरले नसल्याचे दिसत आहे..शेतकऱ्यांच्या मागण्यांसाठी शेतकरी संघटनांनी आमदार व खासदारांच्या घरी जाऊन आंदोलन केली. तरीही शेतकऱ्यांच्या मागण्यांकडे पाठ फिरवली जात आहे. यामुळेच २४ ऑगस्ट रोजी खांद्यावर चाबूक आणि हातात रुमणे घेऊन रास्ता रोको आंदोलनात सहभागी होत आपला आक्रोश व्यक्त करून सरकारला जाब विचारणार असल्याचे निवेदनात म्हटले आहे. निवेदनात देताना संघटनेचे प्रदेशाध्यक्ष कसबे, राजेंद्र मोरे, रूपेश शंके, बालाजी जाधव, सतीश सोळंके, शिवाजी पाटील, शाहूराज कांबळे, दत्ता भांगे, कल्याणप्पा हुरदळे, दीपक कांदगुळे, विवेक पाटील व पदाधिकारी उपस्थित होते..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
