Rain Update: लातूर व धाराशिव जिल्ह्यांतील काही भागांत रविवारी (ता. २८) दुपारी सलग दोन तास झालेल्या पावसानंतर खरीप पेरण्यांना वेग आला आहे. मागील काही दिवसांपासून शेतकरी समाधानकारक पावसाच्या प्रतीक्षेत होते. रविवारी धाराशिव जिल्ह्यात सरासरी १७.९, तर लातूर जिल्ह्यात १३.९ मिलिमीटर पावसाची नोंद झाली. पावसाचा जोर कायम राहील, या अपेक्षेने शेतकऱ्यांनी पेरणीसाठी लगबग सुरू केली असून काही दिवसांपासून ओस पडलेल्या कृषी निविष्ठा बाजारातही सोमवारी (ता. २९) शेतकऱ्यांची वर्दळ वाढली. दरम्यान, सोमवारी दोन्ही जिल्ह्यांत दिवसभर ढगाळ वातावरण होते..लातूर जिल्ह्यात सोमवारी सकाळी आठ वाजेपर्यंतच्या २४ तासांत सरासरी १३.९ मिलिमीटर पावसाची नोंद झाली. मुरूड (ता. लातूर) मंडळात सर्वाधिक ४५ मिलिमीटर पाऊस झाला. तालुकानिहाय रेणापूरमध्ये सर्वाधिक २९.७, तर देवणीमध्ये सर्वात कमी १.२ मिलिमीटर पाऊस झाला. जिल्ह्यात आतापर्यंत सरासरी ८६.५ मिलिमीटर पाऊस झाला असून तो सर्वसाधारण पावसाच्या ६३.९ टक्के आहे. आतापर्यंत सरासरी नऊ पावसाचे दिवस नोंदविले गेले आहेत..Kharif Sowing 2026 : पावसाची तूट, पेरणीला फटका; कापूस आणि सोयाबीन लागवड पिछाडीवर.तालुकानिहाय पाऊस (कंसात आतापर्यंतचा पाऊस) पुढीलप्रमाणे : लातूर २१.७ (८३.८), औसा ६.० (६६), अहमदपूर १४.४ (९५.७), निलंगा १.९ (८४.४), उदगीर १६.२ (१०१.१), चाकूर २१ (५४.९), रेणापूर २९.७ (११६.७), देवणी १.२ (५४.५), शिरूर अनंतपाळ १३.३ (५७.५) आणि जळकोट १५.७ (२१०.१) मिलिमीटर..पहिल्या टप्प्यात जळकोट तालुक्यात चांगला पाऊस झाल्याने तेथील पेरण्या वेगाने सुरू आहेत. रविवारी लातूर, चाकूर व रेणापूर तालुक्यांत झालेल्या पावसामुळे खोळंबलेल्या पेरण्यांनाही गती मिळाली. अनेक शेतकरी यंदा पेरणी पद्धतीत बदल करून बीबीएफ (ब्रॉड बेड फरो) व टोकण पद्धतीचा अवलंब करत आहेत. एका बेडवर दोन किंवा तीन ओळींत तूर, सोयाबीन आणि तीळ यांची पेरणी केली जात आहे. तुलनेने कमी पावसाचा अंदाज लक्षात घेऊन शेतकरी नियोजनबद्ध पेरणी करत असल्याचे चित्र आहे..Kharif Sowing: पेरण्यांची लगबग सुरू.धाराशिव जिल्ह्यात सर्वदूर पाऊसधाराशिव जिल्ह्यात रविवारी दुपारी बहुतांश भागांत चांगला पाऊस झाला. सोमवारी सकाळी आठ वाजेपर्यंतच्या २४ तासांत जिल्ह्यात सरासरी १७.९ मिलिमीटर पावसाची नोंद झाली. आतापर्यंत जिल्ह्यात सरासरी १२० मिलिमीटर पाऊस झाला असून इटकळ (ता. तुळजापूर) मंडळात सर्वाधिक ६९.५ मिलिमीटर पावसाची नोंद झाली..तालुकानिहाय पाऊस (कंसात आतापर्यंतचा पाऊस) पुढीलप्रमाणे : धाराशिव १४.८ (१०७.५), तुळजापूर ३०.९ (८४.९), परंडा २९.७ (१३८.९), भूम १२ (१४१.६), कळंब १८.३ (१८९.५), उमरगा १३.९ (९४.१), लोहारा ७.४ (४८.५) आणि वाशी ४.१ (१४५.८) मिलिमीटर..सर्वदूर पावसाची हजेरी; नदी-नाले दुथडी भरून वाहिलेजिल्ह्यात आतापर्यंत सरासरी दहा पावसाचे दिवस नोंदले गेले असून सर्वसाधारण पावसाच्या ९४.६ टक्के पाऊस झाला आहे. रविवारी झालेल्या पावसामुळे कसबे तडवळे परिसरात नदी-नाल्यांना पूर आला. गावातील सखल भागात पाणी साचून काही घरांत पाणी शिरले. ढोकी, तेर, खेड, खामगाव, रुई, गोवर्धनवाडी, जवळा (दुधगाव) आणि येडशी परिसरातही चांगला पाऊस झाला. काही पुलांवरून पाणी वाहिल्याने गावांचा संपर्क काही काळ तुटला. लोहारा येथे पत्रे कोसळून अलाबक्ष जेवळे (४०) आणि त्यांचा मुलगा अल्तमाश जेवळे (११) जखमी झाले. मात्र, जिल्ह्यातील काही भागांत अजूनही समाधानकारक पावसाची प्रतीक्षा असून अनेक शेतकरी पेरणीसाठी मोठ्या पावसाची वाट पाहत आहेत..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
