Akola News : डॉ. पंजाबराव देशमुख कृषी विद्यापीठात आयोजित तीन दिवसीय शिवार फेरीला दुसऱ्या दिवशीही रविवारी (ता. २१) मोठा प्रतिसाद मिळाला. या ठिकाणी लावलेले प्रात्यक्षिक पाहण्यासाठी विविध जिल्ह्यांतील शेतकऱ्यांनी गर्दी केली होती..विद्यापीठाच्या २५ एकर प्रक्षेत्रावर विविध पीक वाण तसेच तंत्रज्ञानाचे सादरीकरण करण्यात आले आहे. या शिवारफेरीचे उद्घाटन शनिवारी (ता. २०) राज्याचे कृषिमंत्री दत्तात्रय भरणे यांच्या हस्ते झाले. पहिल्या दिवशी अकोला, बुलडाणा, वाशीम या जिल्ह्यांमधून शेतकरी मोठ्या संख्येने आले होते..PDKV Akola : गैरहंगामी काळात प्रक्रिया उत्पादने विका.त्यानंतर दुसऱ्या दिवशीसुद्धा पूर्व विदर्भातील शेतकऱ्यांची या शिवार फेरीच्या ठिकाणी गर्दी झाल्याचे दिसून आले. शेतकरी मोठ्या संख्येने सोयाबीन, कपाशी, तेलबिया वाण, फूल पिके, भाजीपाला तसेच वेलवर्गीय पिकांची माहिती घेताना दिसून येत होते..प्रामुख्याने या प्रक्षेत्रावर प्रत्येक विद्यापीठाच्या वाणाचे तसेच कंपन्यांच्या वाणांचे समोरासमोर सादरीकरण असल्याने शेतकऱ्यांना तुलनात्मक माहितीसुद्धा या अनुषंगाने उपलब्ध झाल्याच्या प्रतिक्रिया व्यक्त होत होत्या..Shiwar Feri : कापूस संशोधन विभागातर्फे निविष्टा वाटप, शिवार फेरी.डॉ. पंजाबराव देशमुख कृषी विद्यापीठाच्या कार्यक्षेत्रात असलेल्या विविध कृषी महाविद्यालयातील विद्यार्थीसुद्धा या शिवार फेरीमध्ये मोठ्या संख्येने सहभागी झाले आहेत. विविध महाविद्यालयांचे विद्यार्थी ही प्रात्यक्षिके पाहून त्याचे शास्त्रज्ञांकडून माहिती घेताना दिसून येत होते..आज समारोपतीन दिवसीय शिवारफेरीचा सोमवारी (ता. २२) समारोप होत आहे. शेवटच्या दिवशी विदर्भातील विविध जिल्ह्यांतींल शेतकरी सहभागी होणार आहेत. .ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
