Land Surveyor Salary Hike News: राज्याच्या भूमिअभिलेख विभागातील भूकरमापकांच्या वेतनश्रेणीबाबत राज्य सरकारने महत्त्वाचा निर्णय घेतला आहे. भूकरमापकांना एस- ६ वेतनश्रेणीमधून एस-८ वेतनश्रेणीमध्ये नेण्याचा निर्णय राज्य मंत्रिमंडळाने घेतला आहे. याबाबतची माहिती महसूलमंत्री चंद्रशेखर बावनकुळे यांनी बुधवारी (दि. १ एप्रिल) मंत्रिमंडळ बैठकीनंतर बोलताना दिली..भूमिअभिलेख विभागातील भूकरमापकांची वेतनश्रेणी एस- ६ होती. पुढच्या तीन वर्षांमध्ये एस- ६ ही वेतनश्रेणी बंद होऊन सर्व भूकरमापकांना एस-८ मध्ये आणणार आहोत. आम्हाला एस-८ श्रेणीमध्ये आणा, अशी भूकरमापकांची २००३ पासून जी मागणी होती; ती आता पूर्ण झालेली आहे. ही प्रक्रिया टप्प्याटप्प्याने केली जाईल. पुढच्या एक ते दीड वर्षांमध्ये एस- ६ श्रेणी बंद होईल आणि एस-८ श्रेणी राहील, असे मंत्री बावनकुळे यांनी सांगितले. .Land Surveyor Exam: भूकरमापक भरती प्रक्रियेमधील संभ्रम मिटला.राज्यातील भूमिअभिलेख विभागातील भूकरमापक गेल्या अनेक वर्षांपासून कमी वेतनावर काम करत आहेत. त्यांना सुधारित वेतनश्रेणी लागू करण्यासाठी विविध संघटनांनी अनेकवेळा आंदोलने आणि बेमुदत संप केला होता. त्याची दखल राज्य सरकारने घेतली आहे. आता त्यांना सुधारित वेतनश्रेणी लागू होणार असल्याने त्यांच्या मूळ वेतनात वाढ होणार आहे. दरम्यान, भूमिअभिलेख विभागाने गट क भूकरमापक संवर्गाच्या ९०३ जागांसाठी सरळसेवा भरतीची प्रक्रिया राबवली जात आहे. .Land Measurement: जमिनीच्या पोटहिश्श्याची मोजणी २०० रुपयांत, दोनच सुनावण्यांमध्ये वाद निकाली निघणार, मंत्री बावनकुळेंची माहिती.ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
