Ahilyanagar News: शिव रस्त्याच्या मोजणी प्रकरणात अनुकूल अहवाल देण्यासाठी १ लाख ५० हजार रुपयांच्या लाचेची मागणी करून ती स्वीकारताना नेवासे भूमिअभिलेख कार्यालयातील भुकरमापकाला अटक केली आहे..संबंधित भुकरमापकाचे नाव अजयभानसिंग गुलाबसिंग परदेशी (वय ४८) आहे. ही कारवाई नाशिक लाचलुचपत प्रतिबंधक विभागाने केली. या प्रकरणी नेवासे पोलिस ठाण्यामध्ये भ्रष्टाचार प्रतिबंधक कायद्यांतर्गत गुन्हा दाखल करण्यात आला आहे..Bribery Case : दोन लाखांची लाच स्वीकारणारा मोताळा तहसीलदार पकडला.नेवासा तालुक्यातील पाथरवाला-गोयगव्हाण शिवारात शेती असलेल्या तक्रारदार शेतकरी व त्यांच्या भाऊ यांना जाण्यासाठी असलेल्या शिव रस्त्यावर अतिक्रमण झाल्याने रस्ता खुला करण्यासाठी ३१ जानेवारी २०२२ ला नेवासा तहसीलदारांकडे त्यांनी अर्ज केला होता. त्यानंतर मोजणीचा खर्च अर्जदारांनी भरावा, असे आदेश देण्यात आले..मात्र या आदेशाविरोधात उच्च न्यायालयात याचिका दाखल करण्यात आली असता शीव रस्त्याची मोजणी शासन खर्चाने करण्याचे निर्देश न्यायालयाने दिले होते. फेब्रुवारी २०२३ मध्ये शिव रस्ता सर्वांसाठी खुला करण्यात आला. मात्र मार्च २०२५ मध्ये रस्त्याच्या मजबुतीकरणाचे काम मंजूर झाल्यानंतर काही शेतकऱ्यांनी पुन्हा मोजणीची मागणी करत भूमिअभिलेख कार्यालयाकडे अर्ज व मोजणी शुल्क भरले..Agri Officers Bribery : कृषी केंद्र व्यावसायिकांकडून वसुली .त्यानुसार ६ जून २०२५ रोजी मोजणी अधिकाऱ्यांनी मोजणी करून शिव रस्त्याच्या मधोमध खुणा दाखवल्याने रस्ता वापरासाठी पुन्हा अडथळा निर्माण झाला. त्यामुळे तक्रारदारांच्या भावाने ३० जून २०२५ रोजी पुन्हा भूमिअभिलेख कार्यालयात तक्रार अर्ज दाखल केला..याच प्रकरणात भूकरमापक अजयभानसिंग परदेशी यांनी आपल्या वैयक्तिक अधिकाराचा वापर करून पूर्ववत मोजणी करून देण्यासाठी १ लाख ५० हजार रुपयांची लाच मागितली. गुरुवारी (ता. ४) लाचेची रक्कम स्वीकारताना नाशिक एसीबी पथकाने परदेशीला पकडले. नेवासे पोलिस ठाण्यात त्याच्यावर गुन्हा दाखल केला आहे..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
