Maharashtra Land Records Website Issue : पीक कर्जासाठी सात-बारा उताऱ्याची आवश्यकता असताना भूमी अभिलेख विभागाची वेबसाइट ३० मार्चपासून बंद असल्यामुळे शेतकऱ्यांना मोठ्या अडचणींचा सामना करावा लागत आहे. पोर्टल अपग्रेडेशनच्या नावाखाली ही सेवा ठप्प असून मंगळवारपर्यंत (ता. ७) पूर्ण दुरुस्ती होणार असल्याचे सांगण्यात आले होते. मात्र, अद्यापही सेवा सुरळीत झाली नसल्याने पीककर्ज वितरण प्रक्रियेवर परिणाम झाला आहे..मार्चअखेर पीककर्जाची परतफेड करणाऱ्या शेतकऱ्यांना नव्याने कर्ज घेण्यासाठी सात-बारा उताऱ्याची आवश्यकता असते. मात्र, वेबसाइट बंद असल्याने शेतकऱ्यांना सात-बारा मिळत नसल्याने कर्ज प्रक्रियेत अडथळे निर्माण झाले आहेत. ३१ मार्चपूर्वी जिल्हा मध्यवर्ती बँक व राष्ट्रीयीकृत बँकांकडून सुमारे ५० हजार शेतकऱ्यांनी ४०० कोटी रुपयांच्या पीककर्जाची परतफेड केली आहे. त्यामुळे नव्या कर्जासाठी मोठ्या प्रमाणात अर्ज होण्याची अपेक्षा असताना प्रक्रिया ठप्प झाली आहे..Maharain Website Issue : ‘महारेन’च्या वेबसाइटमध्ये लपवाछपवीच्या तक्रारी.दरम्यान, पोर्टलच्या दुरुस्तीचे काम ५ एप्रिलपासून सुरू असून सातबारा, आठ-अ, फेरफार, नोंदी आणि म्युटेशनशी संबंधित सेवा बंद आहेत. ७ एप्रिलपर्यंत सेवा सुरू होईल, असे प्रशासनाकडून सांगण्यात आले होते, मात्र अद्यापही शेतकऱ्यांना दिलासा मिळालेला नाही. यामुळे सेवा केंद्रांवर नागरिकांची गर्दी वाढली असून कामकाज ठप्प झाल्याचे चित्र आहे..विशेष म्हणजे सध्या तलाठ्यांकडे एकाच वेळी अनेक कामांची जबाबदारी असल्याने सात-बारा मिळवण्यासाठी शेतकऱ्यांना वारंवार फेऱ्या माराव्या लागत आहेत. हातात रोख रक्कम असतानाही कागदपत्रांच्या अभावामुळे कर्ज प्रक्रिया रखडली आहे. सेतू केंद्रांवरील विविध कामे ऑनलाइन सेवांवर अवलंबून असल्याने प्रणाली बंद पडल्याचा थेट परिणाम नागरिकांवर झाला आहे..Farmer Crisis: घटते क्षेत्र, वाढती चिंता.पुणे येथून तांत्रिक अडचण असल्याचे सांगण्यात येत असून स्थानिक पातळीवर कोणताही उपाय उपलब्ध नसल्याने नागरिकांमध्ये नाराजी वाढत आहे. कागदपत्रांची पूर्तता झाल्यानंतरच बँका पीककर्ज देते. सध्या तांत्रिक अडचणींमुळे प्रक्रिया पूर्ण होत नसल्याने कर्ज वितरणाला विलंब होत आहे. यामुळे खरीप हंगामाच्या तयारीवर परिणाम होण्याची शक्यता व्यक्त होत आहे. त्या पार्श्वभूमीवर शासनाने या प्रकरणात तत्काळ हस्तक्षेप करून ही समस्या निकाली काढावी, अशी शेतकऱ्यांची मागणी आहे..महत्त्वाचे५० हजार शेतकऱ्यांनी केली कर्ज परतफेडसुमारे ४०० कोटी रुपयांची उलाढाल३० मार्चपासून वेबसाइट बंद७ एप्रिलपर्यंत दुरुस्तीचे आश्वासनमात्र सेवा अद्याप सुरू नाही..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
