Nanded News: नांदेड जिल्ह्यातील महाराष्ट्र राज्य सहकारी कृषी ग्रामीण विकास बँक मर्या. मुंबई (भूविकास बँक) बँकेच्या पाच हजार १०६ शेतकऱ्यांच्या कर्ज माफ करण्यात आले आहे. यामुळे त्यांच्या सातबारावरील भू-विकास बँकेच्या कर्ज बोजाची नोंद कमी करण्याबाबत जिल्हाधिकारी राहुल कर्डिले यांनी सोमवारी (ता.२) परिपत्रक निर्गमित केले आहे. .जिल्हाधिकाऱ्यांनी सर्व तहसीलदारांना संबंधित तालुक्यातील पाच हजार १०६ थकबाकीदार शेतकऱ्यांची यादी देऊन या शेतकऱ्यांच्या सातबारा उताऱ्यावरील भूविकास बँकेच्या कर्जबोजाची नोंद कमी करण्याबाबत तसेच यासाठी सर्व तालुक्यांनी मंडळस्तरावर कॅम्प आयोजित करावीत व कर्ज बोजाची नोंद कमी केल्याचे प्रमाणपत्र निर्गमित करण्याचे निर्देश दिले आहेत. .Farmer Loan Waiver : शेतकऱ्यांच्या थकीत कर्जाचं पुनर्गठन करण्याचा निर्णय?.नांदेड जिल्हा सहकारी कृषी ग्रामीण बहुउद्देशीय बँक (भू-विकास बँक ) नांदेड या बँकेची ता. ८ मार्च २०२५ रोजीच्या आदेशान्वये नोंदणी रद्द झाली आहे. महाराष्ट्र शासनाने शासन निर्णयानुसार ता. ९ नोव्हेंबर २०२२ अन्वये राज्यातील सर्व महाराष्ट्र राज्य सहकारी कृषी ग्रामीण बहुउद्देशीय विकास बँक मर्यादित मुंबई (शिखर भूविकास बँक) व जिल्हा सहकारी कृषी ग्रामीण बहुउद्देशीय विकास बँकाचे (जिल्हा भूविकास बँका) कर्ज घेतलेल्या शेतकऱ्यांचे संपूर्ण कर्ज पूर्णतः माफ झाले आहेत..Farmer Loan Waiver: थकित, नियमित कर्जदारांची शासनाने मागवली माहिती .भू-तारण बँक, भूविकास बँक व महाराष्ट्र राज्य सहकारी कृषी ग्रामीण विकास बँक मर्या., मुंबई या बँकेचे सभासद असलेल्या शेतकऱ्यांना आवाहन करण्यात आले, की याबाबत आपले संबंधित सहायक ग्राम महसुल अधिकारी (तलाठी) महसूल विभागाशी समन्वय साधून सातबारावरील भु-तारण बँक, भूविकास बँक व महाराष्ट्र राज्य सहकारी कृषी ग्रामीण विकास बँक मर्यादित मुंबई या नावाने असलेल्या बँकेच्या कर्ज बोजाची नोंद कमी केल्याची खात्री करावी. .याबाबत कोणतीही अडचण असल्यास जिल्ह्यातील संबंधित तहसीलदार कार्यालय तसेच तालुका सहाय्यक निबंधकांकडे (सहकारी संस्था) संपर्क साधावा, असे आवाहन परिरक्षक नांदेड जिल्हा सहकारी कृषी ग्रामीण बहुउद्देशीय विकास बँक मर्या. नांदेड तथा जिल्हा उपनिबंधक (सहकारी संस्था) शाहूराज हिरे यांनी केले आहे..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
