Pune News: ग्रामीण भागातील महिलांना आर्थिकदृष्ट्या सक्षम करण्यासाठी राबवली जाणारी ‘लखपती दीदी’ योजना अमरावती जिल्ह्यात यशस्वी ठरत आहे. या योजनेअंतर्गत आतापर्यंत ७५ हजारांहून अधिक महिलांनी नोंदणी केली असून, ठरवलेले उद्दिष्ट जवळपास पूर्ण झाले आहे. बचतगटांच्या माध्यमातून महिलांनी स्वतःचे छोटे-मोठे उद्योग सुरू केले आहेत. बँकांच्या कर्जपुरवठ्यामुळे महिलांचे उत्पन्न वाढत असून ग्रामीण अर्थव्यवस्थेला नवी चालना मिळत आहे..महिला बचतगटांमधून स्वयंरोजगाराला चालना…या योजनेचा मुख्य उद्देश महिलांना स्वतःच्या पायावर उभे करणे आणि ग्रामीण भागात आर्थिक हालचाल वाढवणे हा आहे. महिला बचतगटांच्या माध्यमातून अनेक महिलांनी स्वतःचा व्यवसाय सुरू केला आहे. काही महिला गृहउद्योग, लघुउद्योग, शेतीपूरक कामे, पशुपालन तसेच प्रक्रिया उद्योगात काम करत आहेत. त्यामुळे महिलांना नियमित उत्पन्नाचे साधन मिळू लागले आहे..lakhpati Didi Scheme : ‘लखपती दीदी’मुळे महिलांच्या आर्थिक सक्षमीकरणास बळ.बँक कर्जाच्या आधारावर उत्पन्नात लक्षणीय वाढ…महिलांना उद्योगासाठी भांडवल मिळावे यासाठी बँकांकडून कर्जपुरवठा केला जात आहे. चालू आर्थिक वर्षात आतापर्यंत महिला बचतगटांना कोट्यवधी रुपयांचे बँक कर्ज देण्यात आले आहे. या मदतीमुळे अनेक महिलांनी नवीन व्यवसाय सुरू केले, तर काहींनी आधीचे उद्योग वाढवले आहेत. याचा परिणाम म्हणून अनेक महिलांचे वार्षिक उत्पन्न एक लाख रुपयांपेक्षा जास्त झाले आहे..प्रशिक्षण, आर्थिक साक्षरता आणि उद्योजकतेवर भर…‘लखपती दीदी’ योजना केवळ पैसे देण्यापुरती मर्यादित नाही. या योजनेत महिलांना कामाचे प्रशिक्षण, पैशांचे योग्य नियोजन, बचत कशी करावी याचे मार्गदर्शन दिले जाते. तसेच कमी व्याजदरात कर्ज देऊन महिलांना स्वयंरोजगाराकडे वळवले जाते. महिला बचतगटांमधील महिलांना उद्योजक बनवण्याचा हा प्रयत्न आहे..Lakhpati Didi Yojna : देशातील महिलांना लखपती दीदी योजनेतून बिना व्याजी ५ लाखांचे कर्ज .या योजनेची प्रमुख उद्दिष्टे म्हणजे महिलांचे उत्पन्न वाढवणे, त्यांना नोकरी देणाऱ्या बनवणे, विविध व्यवसायांचे कौशल्य शिकवणे, आर्थिक साक्षरता वाढवणे आणि दीर्घकाळ टिकणारे व्यवसाय उभे करण्यास मदत करणे असा आहे..‘लखपती दीदी’ योजनेमुळे अमरावती जिल्ह्यात महिलांचे आर्थिक स्वावलंबन वाढत असून, प्रशासनाच्या माहितीनुसार, लवकरच ८० हजारांहून अधिक महिला ‘लखपती दीदी’ बनतील, असा विश्वास व्यक्त केला जात आहे..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
