लाडकी बहीण योजनेसाठी लाभार्थी महिलेसह तिचा पती किंवा वडिलांचे ई-केवायसी बंधनकारकलाभार्थी महिलेसह तिचा पती अथवा वडिलांचे वार्षिक उत्पन्न किती आहे, याची पडताळणी होणारवार्षिक उत्पन्न अडीच लाखांहून अधिक असल्यास या योजनेसाठी त्या अपात्र ठरतील.Ladki Bahin Yojana : लाडकी बहीण योजनेसाठी लाभार्थी महिलेसह तिचा पती किंवा वडिलांचे ई-केवायसी बंधनकारक करण्यात आले आहे. यामुळे लाभार्थी महिलेसह तिचा पती अथवा वडिलांचे वार्षिक उत्पन्न किती आहे, याची पडताळणी केली जात आहे. या योजनेचा लाभ घेण्यासाठी वार्षिक उत्पन्न अडीच लाखांपेक्षा कमी असणे आवश्यक आहे. जर लाभार्थी महिला तसेच तिचा पती अथवा वडील यांचे वार्षिक उत्पन्न अडीच लाखांहून अधिक असल्यास या योजनेसाठी त्या अपात्र ठरतील. .या योजनेतर्गंत पात्र महिला लाभार्थ्यांना दरमहा दीड हजार रुपयांचे अर्थसहाय्य दिले जाते. या योजनेच्या लाभार्थ्यांसाठी ई- केवायसी बंधनकारक करण्यात आले आहे. त्यासाठी लाभार्थ्याला ladakibahin.maharashtra.gov.in या संकेतस्थळाला भेट द्यावी लागेल. लाभार्थ्याला त्याचा आधार क्रमांक आणि पडताळणी संकेतांक (Captcha Code) नमूद करावा लागेल. याद्वारे आधार क्रमांक मुख्यमंत्री माझी लाडकी बहीण योजनेसाठीच्या पात्र यादीत आहे की नाही याची तपासणी होईल. जर आधार क्रमांक पात्र यादीत असेल, तर पुढील टप्प्यात लाभार्थ्याचा पती अथवा वडिलांचा आधार क्रमांक तसेच पडताळणी संकेतांक (Captcha Code) नोंद करावा लागतो. .या योजनेसाठी कोण पात्र?लाभार्थी महाराष्ट्र राज्याची रहिवाशी असणे आवश्यकराज्यातील विवाहीत, विधवा, घटस्फोटीत आणि निराधार महिला तसेच कुटुंबातील केवळ एकच अविवाहित महिला२१ वर्षे ते ६५ वर्ष वयोगटातील महिलांना लाभलाभार्थ्याचे स्वतःचे आधारशी लिंक असलेले बँक खाते असायला हवेलाभार्थी महिलेच्या कुटुंबाचे वार्षिक उत्पन्न अडीच लाखांपेक्षा जास्त नसावे.कोण ठरु शकतात अपात्र?ज्यांच्या कुटुंबाचे एकत्रित वार्षिक उत्पन्न अडीच लाखांपेक्षा अधिक आहेज्यांच्या कुटुंबातील सदस्य आयकर भरतातज्यांच्या कुटुंबातील सदस्य सरकारी कर्मचारी आहेत अथवा सेवानिवृत्तीनंतर निवृत्तीवेतन घेत आहेत कुटुंबातील सदस्यांच्या नावावर ट्रॅक्टर वगळता चारचाकी वाहन आहे.ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
