Ladki Bahin Yojana Two Months Payment Together: राज्य सरकारची लाडक्या बहिणींना संक्रांतीची भेट देण्याची तयारी आहे. मुख्यमंत्री माझी लाडकी बहीण योजनेअंतर्गत लाडक्या बहिणींना मकर संक्रांतीची आनंदाची आणि दिलासादायक भेट मिळणार आहे. १४ जानेवारीपूर्वी पात्र लाभार्थी लाडक्या बहिणींच्या बँक खात्यात डिसेंबर आणि जानेवारी या दोन महिन्यांची एकत्रित रक्कम ३ हजार रुपये थेट जमा होईल, अशी माहिती विधानपरिषदेचे सभापती राम शिंदे यांनी एक्सवरील पोस्टमधून दिली आहे. लाडक्या बहिणींना मकार संक्रांतीची मोठी भेट मिळणार असल्याचे त्यांनी म्हटले आहे. .लाडक्या बहीण योजनेच्या ई- केवायसी (E-Kyc) प्रक्रियेला ३१ जानेवारीपर्यंत मुदतवाढ देण्यात आल्याची चर्चा सुरु आहे. पण सरकारकडून याबाबत अद्याप अधिकृत काहीच सांगण्यात आलेले नाही. यामुळे लाभार्थी महिलांमध्ये संभ्रम निर्माण झाला आहे. .Ladki Bahin Yojana: लाडकी बहीण योजनेचे नोव्हेंबर–डिसेंबर–जानेवारीचे पैसे एकत्र मिळणार ! .या योजनेचा लाभ घेण्यासाठी ई- केवायसी बंधनकारक आहे. ही प्रक्रियेला १८ सप्टेंबरपासून सुरुवात झाली होती. त्यानंतर त्याला ३१ डिसेंबरपर्यंत मुदतवाढ देण्यात आली. अजूनही मोठ्या संख्येने लाभार्थी महिलांनी ई-केवायसी प्रक्रिया पूर्ण केलेली नाही. आता ३१ जानेवारीपर्यंत ई-केवायसी करता येणार असल्याचे सांगितले जात असले तरी सरकारकडून याबाबत अधिकृत काही स्पष्ट करण्यात आलेले नाही. .Ladki Bahin Yojana: लाडकी बहीण योजनेच्या केवायसीसाठी सरकारचा मोठा निर्णय; अंगणवाडी सेविका घरोघरी जाऊन ई-केवायसी करणार.मुख्यमंत्री माझी लाडकी बहीण योजनेचा लाभ अखंडपणे सुरू ठेवण्यासाठी ई-केवायसी प्रक्रिया पूर्ण करणे अत्यंत आवश्यक आहे. यासाठी ३१ डिसेंबर २०२५ ही अंतिम तारीख असल्याचे याआधी महिला आणि बालविकास मंत्री आदिती तटकरे यांनी म्हटले होते. .ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
