विधानसभा निवडणुकीत महायुतीला लाडक्या बहिणींमुळे प्रचंड यश मिळालेआता स्थानिक स्वराज्य संस्थांच्या निवडणुका तोंडावर आहेतयामुळे लाडक्या बहिणींसाठी बंधनकारक केलेली ई- केवायसी प्रक्रिया तूर्तास थांबवली .Ladki Bahin Yojana e-KYC: विधानसभा निवडणुकीत महायुतीला लाडक्या बहिणींमुळे प्रचंड यश मिळाले. विधानसभा निवडणुकीत या योजनेचा महिला मतदारांवर मोठा प्रभाव दिसून आला होता. आता स्थानिक स्वराज्य संस्थांच्या निवडणुका तोंडावर आहेत. या पार्श्वभूमीवर महायुती सरकारने मोठा निर्णय घेत लाडकी बहीण योजनेच्या लाभार्थी महिलांसाठी बंधनकारक केलेली ई- केवायसी प्रक्रिया तूर्तास थांबवली आहे. यामुळे लाडक्या बहिणींना मोठा दिलासा मिळाला आहे. तसेच या योजनेचा ऑक्टोबर महिन्याचा हप्ता पुढील आठवड्यात दिला जाणार असल्याची माहिती सुत्रांनी दिली आहे..या योजनेतर्गंत लाभार्थी महिलांच्या बँक खात्यात दर महिन्याला १५०० रुपये जमा केले जातात. या योजनेचा लाभ घेणाऱ्या महिलांना ई-केवायसी प्रक्रिया अनिवार्य करण्यात आली होती. या माध्यमातून लाभार्थ्यासह तिचा पती अथवा वडिलांच्या वार्षिक उत्पन्नाची पडताळणी केली जात आहे. या योजनेचा लाभ घेण्यासाठी लाभार्थी महिलेच्या कुटुंबाचे वार्षिक उत्पन्न अडीच लाखांपेक्षा जास्त नसावे, अशी अट आहे. यानुसार उत्पन्नाची पडताळणी करण्यासाठी E-KYC प्रक्रिया करण्याचे आवाहन करण्यात आले होते. मागील महिन्यापासून ही प्रक्रिया सुरु आहे. दरम्यान, सरकारने ही प्रक्रिया तूर्तात थांबविली असल्याचे समजते. .Ladki Bahin Yojana: लाडक्या बहिणींना दिवाळीची भेट! सप्टेंबर महिन्याचे १५०० रुपये वितरित करण्यास सुरुवात.या उत्पन्नाच्या पडताळीतून लाखो महिला महिला अपात्र ठरण्याची शक्यता आहे. यामुळे लाभार्थी महिलांची नाराजी आगामी निवडणुकीत दिसून येऊ शकते. हे महायुतीला परडवणार नसल्याने ई-केवायसी प्रक्रिया तूर्तात थांबविण्याचा निर्णय घेतला असल्याची माहिती पुढे आलेली आहे. दरम्यान, या निर्णयाबाबत अधिकृत काही सांगण्यात आलेले नाही. .Ladki Bahin Yojana : लाडक्या बहिणींना ई-केवायसी करताना OTP बाबत अडचणी; आदिती तटकरेंनी घेतली दखल, दिली महत्त्वाची माहिती.दरम्यान, महिलांना ई- केवायसी प्रक्रिया करताना अनेक अडचणी जाणवल्या. लाडकी बहीण योजनेचे संकेतस्थळच खुलेच होत नसल्याच्या तक्रारी अधिक आहेत. तसेच ही प्रक्रिया करताना एररही येत आहे. यामुळे ही प्रक्रिया करण्यास विलंब होत असल्याचे लाभार्थी महिलांचे म्हणणे आहे..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
