Amravati News: मेळघाटातील चिखलदरा व धारणी या दुर्गम भागात वर्षानुवर्षे बिकट असलेला रोजगाराचा प्रश्न आता अक्राळविक्राळ बनला आहे. पावसाळा संपल्यानंतर लोकांच्या हाताला काम मिळत नसल्यामुळे येथील आदिवासींना स्थलांतर करावे लागते. डिसेंबरअखेरीसही स्थलांतराचा हा ओघ कायम असून त्यांचा रोजगाराचा प्रश्न पुन्हा एकदा ऐरणीवर आला आहे. .मेळघाट हा दुर्गम डोंगराळ भाग असल्यामुळे याठिकाणी कुठलेही मोठे उद्योग नाहीत. त्यामुळे पावसाळा संपला की येथील लोकांच्या हाताला काम मिळत नाही. परिणामी त्यांना स्थलांतर केल्याशिवाय पर्याय नाही. त्यामुळे मेळघाटात उद्योग उभारून आदिवासी बांधवांची समस्या निकाली काढण्याची गरज आहे, असे येथील सामाजिक क्षेत्रात काम करणाऱ्या तज्ज्ञांचे म्हणणे आहे..Shepherds Migration : पूर्व खानदेशात मेंढपाळ बांधव दाखल .मेळघाटातील बहुतांश भाग हा डोंगराळ व डोंगर उताराचा असल्यामुळे आदिवासी रब्बीची पिके फार कमी घेतात. काही भागांतच रब्बीची पिके येतात, तर अन्य ठिकाणी खरीप पिके येत असल्यामुळे खरिपाचे पीक निघाले की या भागातील नागरिकांच्या हाताला काम मिळत नाही. त्यामुळे या भागातील आदिवासी बांधव दिवाळीनंतर रोजगारासाठी इतरत्र स्थलांतरित होतात. सध्या मेळघाटातील धारणी व चिखलदरा तालुक्यातील हजारो आदिवासी बांधव रोजगारासाठी स्थलांतरित झाल्याने अनेक गावे रिकामी झालेली आहेत. ऊस कापणीला सुद्धा मेळघाटातील मजूर गेलेले आहेत. तसेच ,विविध काबाडकष्टाची कामे मजुरांना स्थलांतरित झाल्यावर करावी लागतात. त्यामुळे त्यांच्या जीवनमानावर विपरीत परिणाम होत आहे..Migration Impact On Language: स्थलांतराचे बोलीभाषांवर ठसे!.मुलांच्या शिक्षणाचा प्रश्न गंभीरमेळघाटातील मजूर स्थलांतरित झाल्यामुळे स्थलांतरित कुटुंबांच्या मुलांचा शिक्षणाचा प्रश्न मोठा उभा राहतो. अनेक मुलांना आदिवासी कुटुंब सोबत घेऊन जातात. त्यामुळे मुले शिक्षणापासून वंचित राहतात..२९ हजार ७३७ मजुरांनाच मिळते काममेळघाटात एकूण चिखलदरा व धारणी तालुक्यात मजुरांची संख्या एक लाख २८ हजार नऊ इतके मजूर अॅक्टिव्ह आहेत. विविध यंत्रणांमार्फत २९ हजार ७३७ मजुरांना फक्त काम देण्यात आले. विविध यंत्रणेमार्फत मेळघाटात चिखलदरा व धारणी तालुक्यात १३१५ इतकी कामे सुरू आहेत..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
