Pune News: कीडनाशकांचे उर्वरित अंश (रेसिड्यू) तपासणी करणारी पुण्यातील प्रयोगशाळा सध्या जागेवर नसतानाही कोट्यवधी रुपयांची महागडी उपकरणे ठेकेदाराकडून नेमकी कोणी ताब्यात घेतली याविषयी कृषी आयुक्तालयात चर्चेला उधाण आले आहे..सूत्रांच्या म्हणण्यानुसार, साखर संकुल आवारातील जुन्या कृषी भवन इमारतीत सुसज्ज प्रयोगशाळा होती. परंतु, अयोग्य कारभारामुळे वेळेत उपकरणांचा पुरवठा झाला नाही. परिणामी, जुनाट सामग्रीमुळे २०२२ मध्ये ही प्रयोगशाळा बंद पडली. त्यानंतर प्रयोगशाळेची इमारतही जमीनदोस्त करण्यात आली..Farmer Laboratory : शेतकऱ्यांच्या शेतात प्रयोगशाळा उभारू.त्यामुळे या जागेवर काहीही आस्तित्वात नव्हते. मात्र, कृषी विभागातील कंपूंनी कंत्राटदाराच्या तुंबड्या भरण्यासाठी प्रयोगशाळेच्या नावे कोट्यवधी रुपयांची उपकरणे खरेदीचा घाट घातला आणि तो तडीसदेखील नेला आहे..Pesticide Residue Lab: राज्यातील कीडनाशक अंश प्रयोगशाळा मोजताहेत अंतिम घटका.एका अधिकाऱ्याने सांगितले, की उपकरणे पुरवण्याचे मूळ आदेश सापडत नाहीत. तसेच ही उपकरणे आयुक्तालयाच्या अधिकाऱ्यांनी कोणाच्या सांगण्यावरून ताब्यात घेतली, हेदेखील गूढ उकलेले नाही. सध्या कृषी भवनाचे बांधकाम सुरू असलेल्या इमारतीत ही उपकरणे पडून आहेत. या संदर्भात दुसऱ्या एका उच्चपदस्थ अधिकाऱ्याने सांगितले, की प्रयोगशाळा नूतनीकरण करण्याचा पहिला प्रस्ताव तत्कालीन निविष्ठा व गुणनियंत्रण संचालक दिलीप झेंडे यांनी शासनाला पाठवला होता..मात्र, या प्रयोगशाळेची अजिबात गरज नसून आधीचा प्रस्ताव रद्द करावा, असा दुसरा प्रस्ताव त्यानंतरचे संचालक सुनील बोरकर यांनी शासनाला पाठवला. श्री. बोरकर यांच्यानंतर संचालक बनलेले अशोक किरनळ्ळी यांनी तिसरा प्रस्ताव पाठवून प्रयोगशाळेची गरज असल्याचे कळविले. या गोंधळात कृषी आयुक्तांनी व सचिवांनी नेमका कोणता प्रस्ताव मंजूर केला तसेच या दोघांनी उपकरणे खरेदीला अंतिम मान्यता दिली की नाही, हेच स्पष्ट झालेले नाही. त्यामुळे गोंधळ आणखी वाढलेला आहे..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
