Sangli News: कृष्णा नदीच्या पाणी प्रदूषण आणि मासे मृत्यूप्रकरणी पाटबंधारे विभागाने पुन्हा एकदा प्रदूषण नियंत्रण मंडळाला नोटीस दिली. नदीत नेमके कोण दूषित पाणी सोडत आहे, पाणी किती प्रमाणात दूषित झाले आहे, याचा अहवाल देण्यास मंडळाकडून सतत विलंब केला जात असल्याने पाटबंधारेच्या अधिकाऱ्यांनी तीव्र नाराजी व्यक्त केली आहे..कृष्णा नदीत गेल्या चार दिवसांपासून मासे मरू लागले आहेत. वाळवा तालुक्यात हजारो मासे मेले आणि त्याचा खच पाण्यावर तरंगताना आढळून आले. नदीच्या पात्रात दूषित पाणी, मळी किंवा रसायनयुक्त सांडपाणी सोडले गेले आहे. .Irrigation Department : जरळी बंधाऱ्यातील ५० टक्के पाणी गायब.सांगली शहरात शेरीनाल्याचा गाळ उपसला जात असल्याने मोठ्या प्रमाणात काळे पाणी नदीत मिसळले आहे. परिणामी, वाळव्यापासून सांगलीपर्यंत मोठ्या प्रमाणात नदी प्रदूषणाचे प्रमाण वाढले आहे. त्याबाबत पाटबंधारे विभागाने आता गंभीर दखल घेतली आहे. कृष्णा नदीवर पाटबंधारे विभागाचे नियंत्रण आहे. .Irrigation Department : सिंचन विभागाच्या पाणीपट्टीची तब्बल ११६ कोटी १६ लाखांची थकबाकी.त्यात दूषित पाणी सोडणाऱ्यांवर कारवाईचे अधिकारही या विभागाला आहेत, मात्र ते किती प्रमाणात सोडले, कोणत्या कारखान्याने सोडले, पाणी किती दूषित झाले आहे, याचा अहवाल गरजेचा असतो. हा अहवाल तातडीने द्यावा, अशी मागणी पाटबंधारे विभागाकडे सातत्याने प्रदूषण नियंत्रण मंडळाला केली जात आहे. तो अहवाल वेळेत मिळत नसल्याने कारवाईत अडचणी येत आहेत..कृष्णा नदीतील प्रत्येक घडामोडीबाबत आम्ही बारकाईने लक्ष ठेवून आहोत. पाणी दूषित का झाले, काय घटक मिसळले आहेत, याचा अहवाल आम्ही प्रदूषण नियंत्रण मंडळाकडे मागितला आहे. त्याला कोण जबाबदार आहे, याचा अहवाल आल्यानंतर कारवाई केली जाईल. त्याबाबत वारंपार प्रदूषण मंडळाशी पत्रव्यवहार केला जात आहे.- चंद्रशेखर पाटोळे, अधीक्षक अभियंता, पाटबंधारे.ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
