Krishi Mitra Job Scam Maharashtra: 'कृषी मित्र' भरतीच्या नावाखाली नागरिकांची फसवणूक सुरु असल्याचे प्रकरण समोर आले आहे. याची राज्य सरकारने गंभीर दखल घेत संबंधितांवर कारवाईचे संकेत दिले आहेत. 'कृषी मित्र' भरतीच्या नावाखाली सोशल मीडियावर बोगस जाहिरातींद्वारे फसवणूक सुरू असल्याचे निदर्शनास आले आहे. त्यासाठी शेतकरी आणि युवकांनी सतर्क राहून अशा फसव्या जाहिरातींपासून सावध रहावे, असे आवाहन कृषिमंत्री दत्तात्रय भरणे यांनी केले आहे. .राज्य शासनाच्या कृषी विभागामार्फत होणाऱ्या कोणत्याही भरती प्रक्रियेबाबतची अधिकृत माहिती केवळ शासनाच्या अधिकृत संकेतस्थळांवर आणि अधिकृत प्रसिद्धी माध्यमांद्वारेच जाहीर केली जाते. कृषी मित्र भरतीच्या नावाखाली बोगस जाहिराती प्रसारित करून नागरिकांची फसवणूक करणाऱ्या व्यक्ती अथवा संबंधितांवर कृषी विभागामार्फत फौजदारी गुन्हे दाखल करण्याची कार्यवाही करण्यात येणार असल्याचे त्यांनी म्हटले आहे. .Shetkari Mitra Recruitment: ‘शेतकरी मित्र भरतीत कृषी पदवीधरांना प्राधान्य’: कृषिमंत्री दत्तात्रय भरणे.सोशल मीडियावर व्हायरल होणाऱ्या अप्रमाणित जाहिराती, अर्ज शुल्क भरण्यासाठी पाठविण्यात येणारे वैयक्तिक खाते क्रमांक, मोबाईल क्रमांक किंवा लिंक यांवर विश्वास ठेवू नका. कोणतीही रक्कम भरू नका आणि आपली वैयक्तिक माहिती, बँक खात्याचा तपशील किंवा ओटीपी कोणालाही देऊ नका. संशयास्पद जाहिराती अथवा संदेश आढळल्यास तत्काळ स्थानिक पोलीस प्रशासन किंवा संबंधित कृषी विभागाच्या कार्यालयाशी संपर्क साधावा, असेही कृषिमंत्र्यांनी नमूद केले आहे..Murtizapur APMC Scam: मूर्तिजापूर बाजार समितीत १.८८ कोटींचा खरेदी घोटाळा.राज्यातील प्रत्येक शेतकऱ्याला मदत मिळावी म्हणून कृषी मित्र योजना सुरु करण्याचा निर्णय नुकताच राज्य सरकारने घेतला आहे. या भरतीत तरुण शेतकऱ्यांना संधी देण्यात येणार आहे. त्यासाठी त्यांना मानधन दिले जाणार आहे. पण कृषी मित्र भरतीच्या नावाने फसवणूक केली जात असल्याचे दिसून आले आहे. .ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
