Maharashtra Weather Update: कोकण आणि घाटमाथ्यावर पावसाचा जोर अजूनही कायम आहे. शनिवार (ता. ४) सकाळी आठ वाजेपर्यंत राज्यातील ३०८ मंडलांमध्ये अतिवृष्टीची नोंद झाली असून सातारा जिल्ह्यातील महाबळेश्वर येथे सर्वाधिक ३८९ मिमी पाऊस झाला आहे. कोकण विभागात रायगड, रत्नागिरी आणि पालघर जिल्ह्यांत पावसाचा जोर कायम असून नदी-नाल्यांची पातळी वाढली आहे. घाटमाथा आणि किनारपट्टी भागात खरीप हंगामातील शेतीकामांवर या पावसाचा थेट परिणाम दिसून येत आहे..कोकण विभागात जोरदार पाऊसकोकणात रायगड, रत्नागिरी, पालघर, सिंधुदुर्ग, ठाणे या सर्वच जिल्ह्यांत पावसाचा जोर अधिक आहे. कोकणात धरणांमध्ये पाण्याची आवक सुरू झाली असून छोटे-मोठे ओढे आणि नद्यांची पातळी वाढत आहे. शेतकरीवर्गात भात लावणीची लगबग वाढली आहे. रायगड जिल्ह्यातील अंगाव येथे २५१ मिमी आणि कोंडगाव २३१ मिमी येथे अतिवृष्टीची प्रमुख नोंद झाली आहे. या पावसामुळे रायगडच्या महाड, खेड आणि माणगाव पट्ट्यात भात लागवडीला वेग आला असून अनेक ठिकाणी खाचरांमध्ये पुरेसा पाणीसाठा तयार झाला आहे. .Rain Update: राज्यात ४ जिल्ह्यांना रेड अलर्ट, तर ९ जिल्ह्यांना ऑरेंज अलर्ट; पावसाचा जोर वाढणार.मध्य महाराष्ट्र पावसाची संततधारमध्य महाराष्ट्रात पुणे, सातारा, कोल्हापूर, नगर, नाशिक जिल्ह्यात पावसाची संततधार सुरू आहे. तर सोलापूर, सांगली, खानदेशातील धुळे, नंदुरबार, जळगाव जिल्ह्यात ढगाळ वातावरणासह अधूनमधून शिडकावा होत आहे. सातारा जिल्ह्यातील महाबळेश्वर येथे राज्यातील सर्वाधिक पाऊस नोंदला गेला आहे. याशिवाय पुणे जिल्ह्यातील वेल्हे परिसरातही चांगला पाऊस झाला आहे. घाटमाथ्यावर झालेल्या पावसामुळे कोयना, नीरा आणि कृष्णा खोऱ्यातील धरणांमध्ये पाण्याची आवक सुरू झाली आहे..मराठवाड्यात अधूनमधून तुरळक सरीमराठवाड्यात पावसाचे प्रमाण तुलनेने कमी आणि विखुरलेले राहिले आहे. छत्रपती संभाजीनगर, जालना, बीड, लातूर, धाराशिव, परभणी, हिंगोली, नांदेड या जिल्ह्यांतील काही भागांत हलक्या सरींची नोंद झाली असून बीड आणि धाराशिव जिल्ह्यांत पेरणीसाठी आवश्यक ओलावा काही प्रमाणात निर्माण झाला आहे. नांदेड आणि परभणी जिल्ह्यांत मात्र अद्याप पुरेसा पाऊस न झाल्याने शेतकरी पेरणी पुढे ढकलत आहेत. अनेक भागांत दुबार पेरणीची चिंता कायम आहे. छत्रपती संभाजीनगर आणि जालना परिसरात काही ठिकाणी हलक्या पावसामुळे पेरणीला सुरुवात झाली असली तरी ती अद्याप मर्यादित आहे..Maharashtra Rain: राज्यात पावसाचा जोर वाढणार.पूर्व विदर्भात पावसाच्या जोरदार सरीविदर्भातील अमरावती, नागपूर, गोंदिया, चंद्रपूर, यवतमाळ, भंडारा, वर्धा जिल्ह्यांतील अनेक ठिकाणी हलक्या सरी बरसत असल्या तरी काही ठिकाणी जोरदार सरी कोसळत आहे. अमरावती जिल्ह्यातील कामठा परिसरात चांगला पाऊस झाला असून धारणी भागातही समाधानकारक नोंद झाली आहे. यामुळे काही भागांत पेरणीला सुरुवात झाली आहे. गोंदिया जिल्ह्यात सालेकसा आणि आमगाव खुर्द परिसरात मध्यम पावसामुळे जमिनीत ओलावा तयार झाला असून शेतकऱ्यांनी पेरणीची तयारी सुरू केली आहे. मात्र पावसाचे वितरण सर्वत्र समान नसल्याने काही ठिकाणी प्रतीक्षा कायम आहे..राज्यात १०० मिलिमीटरहून अधिक पाऊस पडलेली मंडलनिहाय ठिकाणे (पाऊस मिलिमीटरमध्ये) :कोकण : अंगाव २५१, कोंडगाव २३१, महाड २२७, आंगवली २११, हेदवी १८०, भिवंडी १७८, सफाळे १७७, भांबेड १७५, शिरगाव १७४, तुडील १७१, खेड १६८, पाचल १६७, बिरवाडी १६६, माभळे १६२, विरार १६१, म्हाप्रळ, विलवडे १५८, दिघाशी, मांडाड १५३, विले १५२, खेरडी १५१, धामणंद, रत्नागिरी १४९, आगाशी १४७, गोंदाळे १४६, डहाणू १४५, करंजवाडी, नाटे १४४, आंबवली १४३, देवळे १४१, पालघर १३९, मुर्डव १३६, गोरेगाव १३४, चिपळूण, पाली १३३, खरवली, सोनसडे १३२, राहूर-खारबाव, खामगाव-म्हसळा १३१, सोंदल १३०, माणगाव, लोणेरे १२९, रोहा १२८, .पालगड, बोईसर १२७, बालकुम, पडघा १२६, वाकवली १२३, भरणे ११९, तुळसणी ११८, इंदापूर, कोलाड, शिरशी, लांजा ११७, वासिंद, चनेरा-नागोठणे, घोसाळे, मुरुड ११६, उरण, कोप्रोली, जांबुळपाडा, पेडली, मालगुंड ११५, कुलवंडी ११४, तारवळ ११३, ओणी ११२, कामार्ली, कोंडवी, नांदगाव, सातवली १११, दाभिळ, मांडवी, निर्मळ, माणिकपूर ११०, तळा, पुनस १०९, पाली-आटोणे १०८, देवरूख, कुडूस-कोणे १०७, वावोशी, निजामपूर १०२, ठाणे, जसई, बोरली, मेंदळी, वसई १०१.मध्य महाराष्ट्र : महाबळेश्वर ३८९, वेल्हे १६६, आंबवणे १४६, गगनबावडा १३२, बाळिंगे १२१, कळवण १०१, जावळी-आणेवाडी १००.विदर्भ : कामठा १५७, सालेकसा, आमगाव खुर्द ११३, धारणी १०८..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.