Kolhapur News: जागतिक महिला दिनाचे औचित्य साधत ‘सकाळ-ॲग्रोवन’च्या वतीने शेतीसह शेतीपूरक क्षेत्रात उल्लेखनीय कार्य करणाऱ्या कर्तृत्ववान महिलांचा येथे शनिवारी (ता.८) सन्मान करण्यात आला. कोल्हापूर ‘सकाळ’चे संपादक निखिल पंडितराव यांच्या हस्ते त्यांना गौरवण्यात आले. महिलांना उद्योजकतेसाठी प्रोत्साहन देणाऱ्या महिला कृषी अधिकारी व शास्त्रज्ञांचेही यावेळी कौतुक करण्यात आले. शेतीपूरक उद्योग, महिला सक्षमीकरण, ग्रामीण भागातील उद्योजकतेच्या संधी आणि महिलांची शेतीतील वाढती भूमिका या विषयांवर चर्चा झाली..श्री सिद्धगिरी कृषी विज्ञान केंद्र, कणेरी येथील शास्त्रज्ञ प्रतिभा ठोंबरे, कोल्हापूरच्या उपकृषी अधिकारी शिल्पा इंगवले, निगवे दुमाला (ता. करवीर) येथील सरपंच दीपाली चौगले, कळंबे तर्फ कळे (ता. करवीर) येथील चटणी व्यावसायिक अर्चना देसाई, कणेरीवाडी (ता. करवीर) येथील सोया पनीर निर्मिती व्यावसायिक सरिता मोरे यांचा सन्मान झाला..Agrowon Award : पुरस्कार सोहळ्यात उद्योजकांना मिळाली प्रेरणा.शेती व शेतीपूरक व्यवसायात महिलांचे योगदान दिवसेंदिवस वाढत असून, ग्रामीण भागातील अनेक महिला विविध उद्योगांच्या माध्यमातून स्वतःचे स्वतंत्र स्थान निर्माण करत आहेत. या पार्श्वभूमीवर महिलांच्या कार्याचा गौरव करत त्यांना प्रोत्साहन देण्यासाठी ‘ॲग्रोवन’तर्फे हा उपक्रम राबविण्यात आला..Agrowon Award : ‘अॅग्रोवन एक्सलन्स अवॉर्ड’चे आज पुण्यात वितरण.शास्त्रज्ञ सौ. ठोंबरे यांनी कृषी विज्ञान केंद्रामार्फत महिलांसाठी राबविण्यात येणाऱ्या विविध प्रशिक्षण कार्यक्रमांची माहिती दिली. उपकृषी अधिकारी सौ. इंगवले यांनी महिलांनी आधुनिक शेती पद्धती आणि प्रक्रिया उद्योग यांचा अवलंब करून उत्पन्न वाढविण्याचा सल्ला दिला. सरपंच सौ. चौगले यांनी ग्रामीण भागातील महिलांना स्वयंसहाय्यता गटांच्या माध्यमातून उद्योजकतेकडे वळण्याचे आवाहन केले. .चटणी व्यावसायिक सौ. देसाई यांनी चटणी व सोया पनीर निर्मिती व्यावसायिक सौ. मोरे यांनी आपल्या उद्योगाची वाटचाल आणि त्यातून मिळालेला अनुभव सांगत महिलांनी धाडसाने व्यवसायात उतरल्यास यश नक्की मिळते, असा विश्वास व्यक्त केला. ‘अॅग्रोवन’चे वरिष्ठ बातमीदार राजकुमार चौगुले यांनी सूत्रसंचालन केले. या वेळी सकाळचे वितरण व्यवस्थापक सरदार राऊत, सकाळच्या बातमीदार नंदिनी नरेवाडी, अॅग्रोवनचे सहाय्यक व्यवस्थापक विशाल जाधव आदी या वेळी उपस्थित होते..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
