राज्यातील साखर हंगाम आजपासून सुरु ऊसदरावरुन कोल्हापूर ऊस पट्ट्यात आंदोलन सुरुचशिरोळमध्ये कारखाना समर्थक आणि ऊस आंदोलकांमध्ये झटापट .Kolhapur Sugarcane Rate Protest: राज्यातील साखर हंगाम आजपासून सुरु झाला. दरम्यान, ऊसदरावरुन कोल्हापूर ऊस पट्ट्यात आंदोलन सुरुच आहे. दरम्यान, शिरोळमध्ये रात्री दत्त साखर कारखान्याला होणारी ऊस वाहतूक ‘आंदोलन अंकुश’च्या कार्यकर्त्यांनी रोखण्याचा प्रयत्न केला. यावेळी कारखाना समर्थक आणि ऊस आंदोलकांमध्ये झटापट झाली. यानंतर शिरोळ पोलिसांनी घालवाड फाटा येथे बंदोबस्त तैनात करुन परिस्थिती नियंत्रणात आणली. .कोल्हापूर जिल्ह्यातील कारखान्यांनी प्रतिटन ३,४०० ते ३,४५० रुपयांदरम्यान दर जाहीर केले आहेत. हे दर शेतकरी संघटनांना मान्य नाहीत. ‘आंदोलन अंकुश’ने ‘३४०० रुपये दर आम्हाला मान्य नसल्याचे म्हटले आहे. यावरुन कारखाना समर्थक आणि शेतकरी संघटनांच्या कार्यकर्त्यांमध्ये संघर्ष सुरु आहे. .Sugarcane Rate Protest: कोल्हापुरात अनेक ठिकाणी ऊसतोडणी रोखण्याचे प्रयत्न.राजू शेट्टी कोल्हापूर, सांगलीसह सीमा भागाचा दौरा करणारस्वाभिमानी शेतकरी संघटनेने चालू गाळप हंगामातील तुटणाऱ्या उसाला प्रतिटन ३,७५१ रूपये विनाकपात एकरकमी पहिली उचल देण्याची मागणी केली आहे. पण याहून कमी दर कारखान्यांनी जाहीर केले आहेत. या पार्श्वभूमीवर आज कोल्हापुरात स्वाभिमानी शेतकरी संघटनेचे संस्थापक राजू शेट्टी यांनी कार्यकर्त्यांची बैठक बोलावली आहे. या बैठकीत त्यांच्या पुढील आंदोलनाची दिशा ठरणार आहे. नागपुरातील शेतकरी आंदोलनानंतर राजू शेट्टी आता ऊसदरांसाठी सुरु असलेल्या आंदोलनात सक्रिय होणार आहेत. पुढील दोन-तीन दिवसांत ते कोल्हापूर, सांगली, सातारा आणि सीमाभागाचा दौरा करणार असल्याचे समजते. .Sugarcane Crushing Season: पाच जिल्ह्यांतून २६ कारखान्यांचा गाळपासाठी प्रस्ताव.ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
