कोल्हापूर जिल्ह्यात ऊसदरासाठी आंदोलन सुरुचदालमिया साखर कारखान्याकडे जाणारी ऊस वाहतूक रोखलीतर दुसरीकडे दत्त साखर कारखान्याने ३,५०० रूपये दर जाहीर करून ऊसदराची कोंडी फोडली.Kolhapur Sugarcane Protest: कोल्हापूर जिल्ह्यात ऊसदरासाठी आंदोलन सुरुच आहे. दरम्यान, शुक्रवारी पन्हाळा तालुक्यातील दालमिया साखर कारखान्याने ऊसदर जाहीर न करता कारखाना सुरू ठेवल्याने स्वाभिमानी शेतकरी संघटनेच्या कार्यकर्त्यांनी कारखान्याकडे जाणारी ऊस वाहतूक रोखली. यामुळे काहीवेळ तणावाचे वातावरण निर्माण झाले..दरम्यान, शिरोळ येथील दत्त साखर कारखान्याने चालू वर्षी तुटणाऱ्या उसाला प्रतिटन ३,५०० रूपये पहिली उचल जाहीर केली आहे. यामधील ३,४०० रूपये ऊस तुटल्यापासून १४ दिवसांत आणि उर्वरीत १०० रुपये फेब्रुवारी महिन्यात देण्याबाबत निर्णय झाला आहे. यामुळे यावर्षीच्या पहिल्या उचलीबाबत तोडगा निघाला असल्याने 'स्वाभिमानी'ने या निर्णयाचे स्वागत केले आहे..Karnataka Sugarcane Protest: बेळगावात ऊसदर आंदोलन पेटले, हत्तरगी टोल नाक्याजवळ दगडफेक, मंत्र्यांच्या कारवर चप्पला भिरकावल्या.गेल्या १५ दिवसांपासून ऊसदरावरून सांगली, कोल्हापूर आणि कर्नाटक सीमाभागात आंदोलने सुरु आहेत. यामुळे साखर हंगाम विस्कळित झाला आहे. सांगली आणि कोल्हापूर जिल्ह्यातील अनेक साखर कारखान्यांनी एफआरपीमध्ये मोडतोड करून पहिली उचल जाहीर केली असल्याचा आरोप 'स्वाभिमानी'ने केला आहे. दरम्यान, उत्तर कर्नाटकमध्ये आंदोलन तीव्र झाल्याने कारखाने बंद ठेवण्यात आले आहेत..Sugarcane Price: कोल्हापुरात ऊसदराची कोंडी फुटेना.गुरुवारी दत्त साखर कारखान्याने ३,५०० रूपये दर जाहीर करून ऊसदराची कोंडी फोडली. यामुळे कालपासून दत्त साखर कारखान्याने कारखाना कार्यक्षेत्रातील उसतोडी देण्यास सुरुवात केली आहे. .याबाबत 'स्वाभिमानी'कडून या निर्णयाबाबत ३,५०० रूपयांची उचल मान्य करून जे कारखाने ३,४०० रुपयांपेक्षा कमी एफआरपी देणारे आहेत; त्यांनी ३,५०० रूपये पहिली उचल द्यावी. तसेच ३,५०० रूपयांपेक्षा जादा एफआरपी असणाऱ्या कारखान्यांनी एफआरपी अधिक १०० रूपये दर देवून कारखाने चालू करावेत, असा सन्मानजनक तोडगा काढण्याची मागणी केली आहे. जर याप्रमाणे तोडगा ज्या कारखान्यांना मान्य नसेल त्या कारखान्यांचे गाळप बंद पाडू, असा इशारा स्वाभिमानीने दिला आहे. .ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
