Kolhapur Rain : गेल्या काही दिवसांपासून पावसाने विश्रांती घेतली होती. पण शुक्रवारी पावसाने जोरदार तडाखा दिला. कोल्हापूरसह जिल्ह्यातील अनेक भागात जोरदार पाऊस झाला. कोल्हापूरमध्ये आजपासून पुढील दोन दिवस हलक्या ते मध्यम स्वरुपाच्या पावसाची शक्यता आहे. तर कोल्हापूर जिल्ह्यातील घाट क्षेत्रात पुढील दोन दिवसांत जोरदार पावसाची शक्यता मुंबई प्रादेशिक हवामानशास्त्र केंद्राने वर्तवली आहे. आज जिल्ह्यात ढगाळ हवामान आहे..सध्या भात पीक लोंबी सोडण्याच्या अवस्थेत आहे. यामुळे भात पिकाला सध्या हलक्या स्वरुपाच्या पावसाची गरज असल्याचे शेतकऱ्यांनी म्हणणे आहे..Monsoon Update: मॉन्सून सोमवारपासून परतीच्या प्रवासावर.कोल्हापूर शहर आणि जिल्ह्यातील काही भागाला शुक्रवारी ढगफुटीसदृश पावसाने झोडपले. सुमारे पाऊण तास पाऊस पडला. गेली चार-पाच दिवस पाऊस नसल्याने शेतकरी चिंतेत होते. पण आता पावसाचे वातावरण तयार झाले आहे. .Pesticide Cost: कीटकनाशक फवारणी खर्चाने शेतकरी हैराण.खरीप पिकांना जीवदानकुंभी-कासारी कारखाना परिसरात शुक्रवारी पावसाच्या जोरदार सरी कोसळल्या. येथे सायंकाळी तासभर पाऊस पडला. यामुळे शेतकऱ्यांना दिलासा मिळाला. करवीर तालुक्याच्या पश्चिम भागातही जोरदार पावसाची नोंद झाली. पावसामुळे भात, भुईमूग, सोयाबीन, नाचणी आदी पिकांना जीवदान मिळाले आहे. कागल परिसरातही शुक्रवारी सायंकाळी दोन तास जोरदार पाऊस पडला. यामुळे रस्त्यात पाणी साचले होते..शुक्रवारी सकाळी दक्षिण ओडिशाच्या आणि आंध्र प्रदेशच्या उत्तरेकडील बंगालच्या उपसागरात कमी दाब क्षेत्र तयार झाले आहे. यामुळे दोन दिवसांत ते पश्चिम-वायव्य दिशेने सरकण्याची शक्यता आहे. यामुळे महाराष्ट्राच्या अंतर्गत भागात तसेच उत्तर कोकणात शनिवार ते सोमवार दरम्यान मध्यम ते मुसळधार पावसाची शक्यता आहे..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
