कोल्हापुरात दिवाळी पाडव्याच्या मुहूर्तावर निघाले गुळाचे सौदे मुहूर्ताच्या सौद्यात गुळाला मिळाला प्रति क्विंटल ४,५०० रुपये भावजीएसटी रक्कम परत मिळावी, अशी शेतकऱ्यांची मागणी .Kolhapur Jaggery Price: गुळासाठी प्रसिद्ध असलेल्या कोल्हापूर शेती उत्पन्न बाजार समितीत आज बुधवारी (दि. २२) दिवाळी पाडव्याच्या मुहूर्तावर गुळाचे सौदे निघाले. दिवाळी पाडव्याच्या मुहूर्ताच्या सौद्यात गुळाला प्रति क्विंटल ४,५०० रुपये भाव मिळाला..येथील मधूकर पाटील यांच्या अडत दुकानात हे सौदे निघाले. यावेळी गोकुळ दूध संघाचे अध्यक्ष नविद मुश्रीफ उपस्थित होते. .शेतकरी, व्यापारी, अडते, माथाडी या सर्वांना एकत्र घेऊन गुळाविषयीच्या ज्या समस्या असतील; त्या दूर केल्या जातील, असे आश्वासन कोल्हापूर शेती उत्पन्न बाजार समितीचे सभापती सूर्यकांत पाटील यांनी दिले..Sugar Market : दिवाळीमुळे देशाअंतर्गत साखर बाजारातील तेजी स्थिर.यंदा उत्पादन वाढावे, ४० लाख रव्याचे सौदै व्हावेत, यासाठी बाजार समिती प्रयत्न करेल. जीएसटी रक्कम परत मिळावी अशी शेतकऱ्यांची मागणी आहे, असेही ते पुढे म्हणाले. .कोल्हापूर बाजार समितीमध्ये वर्षातील दहा महिने गुळाचे सौदे होतात. आज दिवाळी पाडव्याच्या निमित्ताने मुहूर्तावर सौदे निघाले..Sugar Industry Crisis: कपात, काटामारी अन् कारखाने.गुळाचा दर ३ हजार ८०० रुपयांच्या खाली आल्यास गुळाचे सौदे न काढण्याचा निर्णय गेल्या वर्षी घेण्यात आला होता. गुळाला प्रतिक्विंटल ४ हजार रुपयांहून अधिक भाव मिळावा. शेजारी राज्यातील गुळाची कोल्हापूर ब्रँडने विक्री बंद करावी, अशी मागणी गूळ उत्पादकांनी याआधी केली होती. .गुळाला साखरेच्या दरापेक्षा कमी दर दिला जात असल्याबद्दल याआधी शेतकऱ्यांनी नाराजी व्यक्त केली होती. कोल्हापूर जिल्ह्यात दसऱ्यानंतर गुळाचा हंगाम सुरु होते. जिल्ह्यातील गुऱ्हाळघरे सुरु झाली आहेत. यामुळे बाजार समितीत गुळाची आवक होण्यास सुरुवात झाली आहे. .ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
