Kolhapur News: कोल्हापूर जिल्ह्यातील गेल्या हंगामातील एफआरपीचे थकलेले ३५ कोटी रुपये तातडीने देण्यासाठी प्रयत्न करण्यात येतील, उपपदार्थ तयार करणाऱ्या कारखान्यांनी एफआरपी जादा न दिल्याचे निर्दशनास आल्यास परवाना रद्द करण्यासह ‘एसओपी’प्रमाणे वजन काटे तपासले पाहिजे. .त्यासाठी आयटी इंजिनिअरची नेमणूक करावी, आदी मागण्यांबाबत सकारात्मक प्रयत्न करण्याचे आश्वासन प्रादेशिक साखर सहसंचालक गोपाळ मावळे यांनी दिल्यानंतर गेल्या चार दिवसांपासून विविध शेतकरी संघटनांच्या वतीने सुरू असलेले ऊस दराबाबतचे आंदोलन सोमवारी (ता. १०) सायंकाळी मागे घेण्यात आले..Kolhapur Sugarcane Protest: एकीकडं दत्त कारखान्यानं फोडली ऊसदराची कोंडी, दुसरीकडं 'दालमिया'ची ऊस वाहतूक रोखली .प्रादेशिक साखर सहसंचालक कार्यालयासमोर विविध शेतकरी संघटनांनी बेमुदत ठिय्या आंदोलन सुरू केले होते. अधिकारी या आंदोलनाला दाद देत नसल्याने संघटनेच्या कार्यकर्त्यांनी घोषणाबाजी करत कार्यालयाबाहेर जोरदार आंदोलन केले. यानंतर झालेल्या बैठकीत झालेल्या चर्चेत संघटनांनी मांडलेल्या सर्व विषयांचा पाठपुरावा करण्याचे आश्वासन दिल्यानंतर आंदोलन मागे घेण्यात आले..Kolhapur Sugarcane Protest: एफआरपी थकित असताना ८ कारखाने कसे सुरु झाले?, कोल्हापुरात १४ संघटनांचे हातात चाबूक घेऊन आंदोलन.शिवाजी माने, जालंदर पाटील, भगवान काटे, रूपेश पाटील, आदींसह विविध संघटनांचे प्रमुख या वेळी उपस्थित होते. दरम्यान शिरोळ येथे सुरू असणारे आंदोलन ‘आंदोलन अंकुश संघटने’ने रविवारी मध्यरात्री मागे घेतले..शिरोळ तालुक्यातील साखर कारखानदारांबरोबर झालेल्या चर्चेत ३४५० रुपयांचा पहिला हप्ता व उर्वरित ५० रुपये हंगाम संपल्यानंतरचा तोडगा निघाल्यानंतर आंदोलन मागे घेतल्याचे जाहीर केले. यामुळे शिरोळ तालुक्यातही ऊस तोडणीचा मार्ग मोकळा झाला आहे..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
