Chhatrapati Sambhajinagar News: छत्रपती संभाजीनगर जिल्ह्यातील खुलताबाद नगरपरिषदेत १४ हजार ७७५ मतदार मतदानाचा हक्क बजावणार आहेत. १९ मतदान केंद्रांवर मूलभूत सुविधा उपलब्ध करून देण्याच्या दृष्टीने विशेष काळजी घेत असल्याचे यावेळी जिल्हाधिकारी स्वामी यांनी सांगितले..जिल्हाधिकारी दिलीप स्वामी यांनी नुकताच खुलताबाद नगरपरिषद कार्यालयात निवडणूक कामांचा आढावा घेतला. उपविभागीय अधिकारी संतोष गोरड, निवडणूक निर्णय अधिकारी स्वरूप कंकाळ, मुख्याधिकारी शेख समीर, सहाय्यक पोलिस अधीक्षक अपराजीता अग्निहोत्री, पोलिस निरीक्षक धनंजय फराटे, गटशिक्षणाधिकारी विलास केवट, प्रमोद सावंत, अविनाश निळेकर, सुभाष पांढरे, अनिल भगत, रुस्तुम फुलारे, अंकुश भराड, जितेंद्र बोचरे, शुभम देवकर आदी उपस्थित होते..Local Bodies Election : राज्यातील स्थानिक स्वराज्य संस्थांच्या निवडणुकांना स्थगिती नाही; सर्वोच्च न्यायालयाचा निर्णय.बैठकीत माहिती देण्यात आली की, नगरपालिका निवडणुकीच्या पार्श्वभूमीवर खुलताबाद शहरातील २५ जणांवर प्रतिबंधात्मक कार्यवाही करण्यात आली आहे. मतदारांसाठी आरोग्य शिबिर आयोजित करण्यात आले आहे. गोपनीय माहिती घेतली जात आहे. कायदा व सुव्यवस्थेचा प्रश्न निर्माण होऊ नये यासाठी प्रशासनाने काळजी घेत आहे. सर्व राजकीय पक्षांनी उमेदवारांनी आचारसंहितेचे पालन करावे यासाठी प्रशासन सतर्क आहे..Local Body Election: ‘त्या’ नगरपरिषदा, नगरपंचायतींचे भवितव्य २१ जानेवारीला ठरणार.निवडणूक प्रक्रिया शांततेत व निर्भय वातावरणात पार पाडण्यासाठी प्रशासकीय यंत्रणा सज्ज आहे. नगरपरिषद सार्वत्रिक निवडणुकीसाठी २ डिसेंबर रोजी मतदान होणार आहे. यासाठी प्रशासनातर्फे मतदार जनजागृती करण्यात येत आहे. मतदारांनी आपला मतदानाचा हक्क बजावा, असे आवाहन जिल्हाधिकारी दिलीप स्वामी यांनी स्पष्ट केले. जिल्हाधिकारी दिलीप स्वामी यांनी शहरातील विविध मतदान केंद्रांची पाहणी केली..जनजागृतीसाठी फलकप्रशासनाकडून ‘मी मतदान करणारच’ हा फलक लावण्यात आला आहे. मी मतदान करणारच… इतरांनाही सांगणार, ‘आपणही आपल्या मतदानासाठी सज्ज रहा’ असे सांगत नगरपरिषद कार्यालयात लावलेल्या फलकावर मतदारांनी स्वाक्षरी करण्याचे आवाहन जिल्हाधिकारी दिलीप स्वामी यांनी केले आहे. विविध होर्डिंग्ज, बॅनर्स, पोस्टर्स आणि जिंगल्सच्या माध्यमातून मतदार जनजागृती करण्यात येत असून प्रशासनाच्या विविध विभागांच्या समाज माध्यम खात्यावरूनही मतदार जनजागृतीची मोहीम राबविण्यात येत असल्याचे जिल्हाधिकाऱ्यांनी सांगितले..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
