Jalgaon News: खानदेशात सध्या लेट खरिपात लागवड केलेल्या कलिंगडाची काढणी सुरू आहे. परंतु पावसाने हानी झाली असून, उत्पादन एकरी सहा ते आठ टन येत आहे. आवक कमी असल्याने दर टिकून असून, प्रति किलो १८ ते २० रुपये दर जागेवर किंवा शिवार खरेदीत शेतकऱ्यांना मिळत आहे. .कलिंगडाची लागवड खरिपात फारशी झाली नाही. परंतु लेट खरिपात लागवड सुमारे १२५ हेक्टरवर झाली. पाऊस व किडींनी पिकात रोगराई आल्याने अतोनात हानी झाली. एक ते दीड महिन्याचे पीक ऐन फळे लगडल्याच्या काळात हातचे गेले. कलिंगडाचा एकरी खर्च ६५ ते ७० हजार रुपये आहे..Watermelon Cultivation: कलिंगड लागवड रखडली.एवढा खर्च अनेकांचा वाया गेला. यामुळे अनेकांनी लेट खरिपात लागवड केली. कमाल शेतकऱ्यांनी रोपवाटिकांमध्ये रोपे तयार करून घेऊन लागवड पूर्ण केली आहे. तर काहींनी थेट बियांची टोकन पद्धतीने लागवड केली होती. जामनेरात ही लागवड अधिक होती. तसेच चोपडा, नंदुरबारातील शहादा भागातही शेतकऱ्यांनी लागवड केली होती..Watermelon Cultivation : खानदेशात कलिंगड लागवड सुरू.जुलै, ऑगस्टमधील लागवड कमीयंदा जुलै व ऑगस्टमध्ये खरिपातील लागवड झाली नाही. यामुळे सप्टेंबर महिन्यात आवक कमी होती. सप्टेंबरमध्ये काहींची लागवड केली. ही लेट किंवा उशिराची लागवड होती. त्यात सध्या उत्पादन येत आहे. ही लागवडदेखील कमी असून, पुढेही फारशी आवक राहणार नाही. मागील वर्षी सुमारे ३०० हेक्टरवर खानदेशात खरीप हंगामी कलिंगडाची लागवड झाली होती..लागवडीत जळगाव जिल्ह्यातील जामनेर , चोपडा, यावल, धुळ्यातील शिरपूर, धुळे, नंदुरबारातील तळोदा व शहादा तालुका आघाडीवर होता. यंदा मात्र सर्वत्र लागवड घटली व उत्पादनही कमी आहे. अनेकांनी सणासुदीच्या काळातील मागणी लक्षात घेऊन जुलै महिन्यात लागवड केली होती. पण पाऊस व प्रतिकूल स्थितीने या पिकाचेही उत्पादन कमी आले आहे..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
