Kharif Fruit Crop Update: खानदेशात खरीप हंगामातील कलिंगड लागवडीबाबत शेतकऱ्यांमध्ये फारसा उत्साह दिसत नाही. रब्बी हंगामात कलिंगडाला रोगराईचा फटका बसला, तर दरही कमी मिळाल्याने यंदा खरिपातील कलिंगड लागवड घटली आहे..खानदेशात उन्हाळी हंगामातील कलिंगडाची काढणी जून महिन्यातही सुरू होती. मात्र, तीव्र उष्णतेचा फटका पिकाला बसल्याने उत्पादनात घट झाली. रब्बी हंगामात खानदेशात सुमारे ११ हजार हेक्टरवर कलिंगडाची लागवड झाली होती. त्याचबरोबर अधिक आवकेमुळे दरावरही दबाव आला. परिणामी अनेक शेतकऱ्यांचे नुकसान झाले आणि त्याचा परिणाम खरिपातील लागवडीवर झाला आहे..Kharif Watermelon Cultivation : खानदेशात खरिपातील कलिंगड लागवडीला सुरुवात; नंदुरबारात क्षेत्र घटण्याची शक्यता.सध्या पाऊसमान कमी असल्याने लागवड झालेल्या कलिंगड पिकाची स्थिती चांगली आहे. कारण अतिवृष्टीमुळे कलिंगड पिकाचे नुकसान होते. मागील खरीप हंगामातही अतिपाऊस तसेच किडी-रोगांच्या प्रादुर्भावामुळे मोठ्या प्रमाणात हानी झाली होती. एक ते दीड महिन्यांचे पीक फळधारणेच्या टप्प्यावर असतानाच हातचे गेले..Summer Crop Sowing: मराठवाड्यात ४३ हजार ८४२ हेक्टरवर उन्हाळी पेरणी.कलिंगड लागवडीसाठी एकरी ६५ ते ७० हजार रुपये खर्च येतो. एवढा खर्च अनेक शेतकऱ्यांचा वाया गेला. त्यानंतर रब्बी हंगामात लागवड वाढली; मात्र रोगराई आणि कमी दर या दुहेरी संकटामुळे अनेक शेतकऱ्यांनी यंदा खरिपातील लागवड टाळण्याचा निर्णय घेतला. त्यामुळे लागवडीत घट स्पष्टपणे दिसून येत आहे..याचा परिणाम खते, मल्चिंग पेपर आणि बियाण्यांच्या विक्रीवरही झाला आहे. कलिंगड पिकाला मोठ्या प्रमाणात खतांची आवश्यकता असते. साधारणपणे दर चार दिवसांनी खतांचा पुरवठा करावा लागतो..लागवडीत ७० ते ८० टक्के घटखानदेशात जुलै आणि ऑगस्ट महिन्यांत खरीप हंगामातील, तर सप्टेंबरमध्ये उशिराच्या (लेट) खरीप हंगामातील कलिंगडाची लागवड केली जाते. खरिपातील लागवडीत जळगाव जिल्ह्यातील जामनेर, चोपडा, यावल तसेच धुळे जिल्ह्यातील शिरपूर, धुळे आणि नंदुरबार जिल्ह्यातील तळोदा व शहादा तालुके आघाडीवर असतात.यंदा मात्र सर्वच भागांत लागवड घटत आहे. मागील खरीप हंगामात सुमारे दीड हजार हेक्टरवर कलिंगडाची लागवड झाली होती. यंदा केवळ ६०० ते ७०० हेक्टरवरच खरिपातील कलिंगड पीक घेतले जाईल, असा अंदाज व्यक्त केला जात आहे. त्यामुळे बियाणे पुरवठादारांमध्येही उत्साह कमी दिसून येत आहे..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
