खरिपात देशातील मिरची लागवडीखालील क्षेत्र ३० ते ४० टक्क्यांनी कमी झाल्याचा अंदाजकर्नाटकात अतिवृष्टीने मिरची पिकाचे नुकसान परिणामी, यंदा उत्पादनात घट होण्याची शक्यता.Kharif Chilli Crop: गेल्या वर्षी मिरचीचे भाव पडले होते. यामुळे आंध्र प्रदेश, तेलंगणा आणि कर्नाटक या प्रमुख मिरची उत्पादक राज्यातील शेतकऱ्यांचे नुकसान झाले. यामुळे यंदा मिरची उत्पादक शेतकरी मका, कापूस आणि तंबाखू यासारख्या पिकांकडे वळले. परिणामी, या खरीप हंगामात देशातील मिरची लागवडीखालील क्षेत्र ३० ते ४० टक्क्यांनी कमी झाल्याचा अंदाज कृषी क्षेत्रातील तज्ज्ञांनी व्यक्त केला आहे. पीक क्षेत्र कमी झाल्याने यंदा उत्पादनात घट होण्याची शक्यता आहे. .गेल्या वर्षी सुक्या मिरचीचे भाव पडले. यामुळे शेतकऱ्यांना नुकसान सोसावे लागले. यामुळे शेतकऱ्यांनी या वर्षी मिरची मिरची लागवड क्षेत्र कमी केले. यामुळे आंध्र आणि तेलंगणातील मिरची पीक लागवड क्षेत्र अनुक्रमे ४० टक्क्यांनी कमी झाले आहे. तर कर्नाटकमधील पीक क्षेत्रात ५० टक्क्यांनी घट झाली आहे. तसेच, काही भागात अधिक पावसाचा पिकांवर परिणाम झाला आहे. यामुळे शेतकऱ्यांना पुन्हा लागवड करावी लागली, असे जाणकार सांगतात..Black Thrips on Chilli: मिरचीवरील ब्लॅक थ्रिप्सवर नियंत्रणाचे सोपे उपाय.मध्य प्रदेश, महाराष्ट्र, आंध्र, तेलंगणा आणि कर्नाटक या पाच प्रमुख उत्पादक राज्यांमध्ये मिरची पीक क्षेत्रात घट झाली आहे. ब्याडगी मिरची (Byadgi chilli) लागवड क्षेत्रदेखील कमी झाले आहे. कर्नाटकातील या वर्षी ब्याडगी मिरची पीक क्षेत्र सुमारे ५० टक्क्यांनी घटल्याचा अंदाज आहे. मध्य प्रदेशातही मिरचीचे क्षेत्र सुमारे ३० टक्क्यांनी कमी झाले असल्याचे कृषी क्षेत्रातील तज्ज्ञांचे म्हणणे आहे..Chilli Farming: मिरची पिकात पीक संरक्षण, सिंचनावर भर.हुबळी येथील कुंडगोळ आणि अन्निगेरी तालुक्यात ब्याडगी मिरचीचे उत्पादन घेतले जाते. पण अतिवृष्टीने मिरची पिकाचे मोठे नुकसान झाले आहे. यामुळे उत्पादनात घट होऊ शकते. तसेच यंदा आवकही उशिरा होण्याची शक्यता आहे. यामुळे शीतगृहात साठवून ठेवलेल्या मिरचीची मागणी वाढू शकते, असे व्यापारी सांगतात..पीक उत्पादनात घटवाणिज्य आणि उद्योग मंत्रालयाच्या स्पायसेस बोर्डाच्या आकडेवारीनुसार, २०२४-२५ मध्ये देशातील लाल मिरचीचे उत्पादन ९.२१ लाख हेक्टरमधून २६.९३ लाख टन इतके कमी मिळाले. मागील वर्षी ९.६५ लाख हेक्टर क्षेत्रातून २९.०९ लाख टन उत्पादन मिळाले होते..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
