नाशिक जिल्ह्यात खरीप आणि लेट खरीप कांद्याच्या सुमारे ८० टक्के पिकाचे नुकसानसुमारे ४० हजार हेक्टरवरील कांदा पिकाला अतिवृष्टीचा फटकाबाजारात कांद्याचा पुरवठा कमी होण्याची शक्यता.Kharif Onion Crops Damage : महाराष्ट्रातील अनेक जिल्ह्यांत अतिवृष्टीने शेतपिके उद्ध्वस्त झाली आहेत. याचा सर्वाधिक फटका सोयाबीन, कांदा, कापूस आणि भाजीपाला पिकाला बसला. नाशिक जिल्ह्यात सप्टेंबरच्या अखेरीस अतिवृष्टी झाली. यामुळे खरीप आणि लेट खरीप कांद्याच्या सुमारे ८० टक्के पिकाचे नुकसान झाल्याचे दिसून आले आहे. .कृषी विभागाच्या प्राथमिक अंदाजानुसार, सुमारे ४० हजार हेक्टरवरील कांदा पिकाला अतिवृष्टीचा फटका बसला आहे. यामुळे ऑक्टोबर-नोव्हेंबर दरम्यान बाजारात कांद्याचा पुरवठा कमी होण्याची शक्यता व्यक्त करण्यात आली आहे. .अधिक मिळालेल्या माहितीनुसार, नाशिक जिल्ह्यात २५ सप्टेंबरपर्यंत सुमारे ५० हजार हेक्टरवर खरीप कांदा पिकाची लागवड पूर्ण झाली होती. त्यात ४० हजार हेक्टरवर खरीप कांदा आणि १० हजार हेक्टरवर लेट खरीप कांदा पिकाचा समावेश आहे. खरीप कांदा पीक लागवड जुलै ते १५ सप्टेंबरदरम्यानच्या कालावधीत केली जाते. लेट खरीप कांदा लागवड १५ सप्टेंबर ते ३० नोव्हेंबर दरम्यान केली जाते..Onion Cultivation : कांदा रोपे विक्रीला कमी प्रतिसाद.सप्टेंबरच्या अखेरीस झालेल्या अतिवृष्टीने ४० हजार हेक्टरवरील खरीप आणि लेट खरीप कांदा पिकांचे पिकांचे नुकसान झाल्याचा प्राथमिक अंदाज कृषी विभागाच्या अधिकाऱ्यांनी व्यक्त केला आहे..नाशिक जिल्ह्यातील चांदवड, येवला, नांदगाव, निफाड, देवळा या तालुक्यात अतिवृष्टीने कांदा पिकाचे सर्वाधिक नुकसान झाल्याचे दिसून आले आहे. .Onion Crisis: कमी भाव, घटलेल्या उत्पादकतेने कांदा उत्पादक संकटात.नाशिक जिल्ह्यात उन्हाळी कांद्याचा साठा १० लाख टनांवरखरीप आणि लेट खरीप कांदा अधिक काळ टिकून राहत नाही. यामुळे हा कांदा शेतकरी बाजारातील प्रचलित भावाने लवकर विकतात. पण मार्च आणि एप्रिल दरम्यान काढणी केलेला उन्हाळी कांदा सहा ते सात महिने साठवणूक करुन ठेवता येतो. नाशिक जिल्ह्यात उन्हाळी कांद्याचा साठा सध्या सुमारे १० लाख टन आहे..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
