Solapur News: शेतजमिनीचे बिनशेती करण्यासाठी आवश्यक असलेला भूसंपादन नसल्याचा अहवाल प्रांताधिकारी कार्यालयास पाठविण्याच्या मोबदल्यात २० हजार रुपयांची लाच घेताना खर्डीचे (ता. पंढरपूर) मंडल अधिकारी दिलीप दिगंबर सरवदे (वय ५६) यांना लाचलुचपत प्रतिबंधक विभागाने रंगेहाथ पकडले. या प्रकरणात तुकाराम आसबे (वय ४५, रा. तावशी) या खासगी एजंटचीही भूमिका उघडकीस आली असून त्याच्याविरुद्धही गुन्हा नोंदविण्यात आला आहे..तक्रारदाराने प्रांत कार्यालय, पंढरपूर येथे शेतजमिनीचे बिनशेती करण्यासाठी अर्ज सादर केला होता. या अर्जाची चौकशी करून भूसंपादन नसल्याचा अहवाल पाठविण्यासाठी सरवदे यांनी एकूण २५ हजार मागितले..China Corruption Case: चीनच्या माजी कृषिमंत्र्यांना भ्रष्टाचारप्रकरणी मृत्युदंड.सुरवातीला ५ हजार रुपये स्वीकारण्याचे मान्य केले होते. त्यानंतर उर्वरित २० हजार रुपयांची मागणी करण्यात आली. या तक्रारीची १९ नोव्हेंबर २०२५ रोजी पडताळणी करण्यात आली असता, खासगी व्यक्ती तुकाराम आसबे याने मंडळ अधिकारी सरवदे यांच्यासाठीच लाचेची मागणी केल्याचे निष्पन्न झाले होते. .Agriculture Department Corruption: आठ हजारांची लाच घेणाऱ्या तालुका कृषी अधिकाऱ्याला अटक.त्यानंतर ८ डिसेंबर २०२५ रोजी रचलेल्या सापळ्यात आरोपी सरवदे यांनी स्वतः २० हजार रुपयांची लाच स्वीकारली. त्याच वेळी एसीबीच्या पथकाने त्यांना रंगेहाथ पकडले. या कारवाईनंतर पंढरपूर शहर पोलिस ठाणे गुन्हा नोंदविण्यात आला आहे..भ्रष्टाचाराची तक्रार करण्याचे आवाहनकोणताही शासकीय अधिकारी, कर्मचारी किंवा त्यांच्या वतीने काम करणारा खासगी एजंट जर कायदेशीर शुल्काव्यतिरिक्त लाच मागत असेल, तर नागरिकांनी अजिबात भीती न बाळगता तत्काळ लाचलुचपत प्रतिबंधक विभागाशी संपर्क साधावा. अशा तक्रारी गोपनीय ठेवल्या जातील व कठोर कारवाई केली जाईल असे आवाहन एसीबीचे पोलिस उपअधीक्षक प्रशांत चौगुले यांनी केले आहे.ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
