Satara News: सोयाबीनची खरेदी हमीभावाप्रमाणे न करता शेतकऱ्यांची लूट केली जात आहे. सरकारने तातडीने सोयाबीन हमीभाव खरेदी केंद्र सुरू करावे, या मागणीसाठी सहकार उपनिबंधकांच्या कार्यालयाच्या दारात ऐन दिवाळीच्या दिवशीच शेतकरी कामगार पक्ष, बळीराजा शेतकरी संघटना, ‘रासप’च्या संयुक्तपणे चटणी-भाकरी खाऊन सरकार व व्यापाऱ्यांचा तीव्र निषेध केला..या बाबत शेतकरी कामगार पक्ष, बळीराजा शेतकरी संघटना, रासपने संयुक्तपणे आंदोलन केले. ‘शेकाप’चे जिल्हाध्यक्ष ॲड. समीर देसाई, ‘बळीराजा’चे जिल्हाध्यक्ष चंद्रकांत यादव, ‘रासप’चे मनोज उबाळे, ॲड. अमित लाड, संजय जाधव, अरुण डुबल, संजय जगताप आदी उपस्थित होते..Farmers Protest: राज्य सरकारच्या निषेधार्थ परभणीत आंदोलने.ॲड. देसाई म्हणाले, ‘‘सोयाबीन हंगाम सुरू होऊन एक महिन्यावर कालावधी झाला आहे. तरीही केंद्र सुरू केलेली नाहीत. आज सोयाबीनचा हमीभाव पाच हजार ३०० रुपयांवर गेला आहे, तरीही व्यापारी चार हजार रुपयांनी सोयाबीन खरेदी करत आहेत..Farmers Protest: शेतकऱ्यांना तुटपुंजी मदत, आंदोलनाचा दिला इशारा.हा शेतकऱ्यांवर अन्याय आहे. त्यामुळे शेतकऱ्यांची दिवाळी ही गोड होत नाही. शेतकरी सोडून सर्वजण आनंदाने गोडधोड करून दिवाळी साजरी करत आहेत; पण शेतीमालाला हमीभाव नसल्यामुळे शेतकऱ्याची दिवाळी अंधारमय झाली आहे.’’.बळीराजा संघटनेचे चंद्रकांत यादव यांनी सरकारने हमीभाव केंद्र सुरू करण्याचा निर्णय आठवड्यात न घेतल्यास जिल्हा उपनिबंधक कार्यालयात उग्र आंदोलन करू, असा इशारा दिला. ‘रासप’चे उबाळे यांनी व्यापाऱ्यांचा तीव्र शब्दात निषेध व्यक्त करून सरकारबरोबर व्यापाऱ्यांनाही धडा शिकवू, असा इशारा दिला..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
