Jalgaon News : खानदेशात मृग बहरातील उशिराची केळी लागवड आटोपली आहे. अर्ली केळी लागवड जून व जुलै महिन्यांतच झाली आहे. यंदा केळी लागवड खानदेशात वाढू शकते, अशी स्थिती सुरुवातीपासून होती. यंदा मृग बहर केळीची लागवड ६० ते ६२ हजार हेक्टरवर झाल्याचा अंदाज आहे..सर्वाधिक मृग बहर केळी पीक जळगावातील रावेरात असून, तेथे सुमारे २५ हजार हेक्टरवर मृग बहर केळी पीक आहे. केळीचे दर यंदा उन्हाळ्यात स्थिर होते. जुलैत दर घसरले. केळीला चांगला पर्याय कृत्रिम जलसाठाधारकांकडे नाही. यामुळे केळी लागवड कायम आहे. यंदा ती वाढू शकते, असा अंदाज होता. यंदा मार्च ते मे च्या मध्यापर्यंत दर्जेदार केळीला उठाव होता. .Banana Plantation : केळी लागवडीसाठी दर्जेदार कंद मिळेनात.या काळात दर स्थिर होते. मृग बहर केळीचे उत्पादनही बऱ्यापैकी आले. जळगाव जिल्ह्यात मृग बहर केळीची काढणी मार्च अखेरीस सुरू झाली. तर कांदेबाग केळीची काढणी गणेशोत्सव, दसरा सणापासून सुरू होत असते. सध्या पिलबाग, कांदेबाग केळीची काढणी यावल, चोपडा, पाचोरा, भडगाव, जळगाव, जामनेर, नंदुरबारमधील अक्कलकुवा, शहादा भागात सुरू आहे. .या केळीला किमान ५०० व कमाल १६०० रुपये प्रति क्विंटलचा सरासरी दर ऑगस्ट व सप्टेंबरमध्ये मिळाला आहे. मृग बहर केळीची लागवड मे महिन्यात सुरू होते. अर्ली लागवड मे महिन्याच्या दुसऱ्या आठवड्यात केली जाते. तर नियमित लागवड जूनपासून सुरू होते. खानदेशात मृग बहर केळीखालील क्षेत्र अधिक असते. तर कांदेबाग केळीखालील क्षेत्र कमी असते. कांदेबाग केळीची लागवड जळगाव जिल्ह्यातील चोपडा, जळगाव, पाचोरा, जामनेर भागात केली जाते..Banana Plantation : खानदेशात केळी लागवडीस गती.मृग बहर केळी सर्वत्रमृग बहर केळीची लागवड जळगाव जिल्ह्यातील रावेर, यावल, मुक्ताईनगर, जामनेर, नंदुरबारमधील तळोदा, शहादा भागात केली जाते. तसेच अलीकडे अन्य भागातही मृग बहर केळी पीक वाढले आहे. केळी लागवडीसाठी केळी रोपांचा उपयोग वाढला आहे. मजूर टंचाईचा फटका काही भागात बसला आहे. .रोपांच्या किंवा उतिसंवर्धित केळी रोपांच्या लागवडीसाठी चांगले नियोजन करून घ्यावे लागते. यंदा खानदेशात मृग बहरातील केळीची एकूण लागवड ६० ते ६२ हजार हेक्टरवर झाल्याचा अंदाज आहे. अनेकांनी ऑगस्ट व सप्टेंबरच्या सुरवातीलाही ही लागवड केली आहे. ही उशिराची लागवड असून, यंदा पाऊसमान चांगले असल्याने पुढेही जलसंकट नसणार आहे..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.