Kharif Season: खानदेशात जुलै महिन्यात बऱ्यापैकी पाऊस झाला. मात्र, त्यानंतर अनेक भागांत पावसाचे प्रमाण कमी झाले. त्याचा फटका शेतकऱ्यांना बसत आहे..ऑगस्टमधील पावसाची सरासरी जळगाव जिल्ह्यात गाठलीच नाही. जूनमध्येही पाऊसमान कमी होते. जळगावचे जूनमधील एकूण सरासरी पाऊसमान १२१ मिलिमीटर आहे. जूनमध्ये जळगाव जिल्ह्यात ६० टक्के कमी पाऊस झाला. धुळे जिल्ह्यात जूनमध्ये बरा पाऊस झाला. जुलैत जळगाव व धुळे जिल्ह्यांत पाऊसमान बरे होते. मात्र, नंदुरबारात जून व जुलैत पावसाची तूट होती. ऑगस्टमध्येही नंदुरबार जिल्ह्यात कमी पाऊस झाला. त्यामुळे या महिन्यात पावसाची नितांत गरज आहे..Marathwada Rain Break: मराठवाड्यातील तीन जिल्ह्यांत पिके ताणावर.मागील सात ते आठ दिवसांत खानदेशात पाऊस झालाच नाही. त्यामुळे ऑगस्टमधील पावसाची तूट भरून निघण्याची गरज असताना पाऊसच नसल्याने चिंता वाढली आहे. जळगाव जिल्ह्यात पावसाचे वितरण असमान आहे. सातपुडालगतची स्थिती बरी असून, जलसाठे मुबलक आहेत. मात्र, अन्य भागांत स्थिती बिकट आहे..धुळे जिल्ह्यात जून ते सप्टेंबर या चार महिन्यांत ५३२ मिलिमीटर, जळगावात ६३२ मिलिमीटर, तर नंदुरबारात ८५४ मिलिमीटर पाऊस पडतो. एवढे पाऊसमान यंदा पूर्ण होईल की नाही, हा प्रश्न कमी पावसामुळे कायम आहे. यावल तालुक्यातील किनगाव, डांभुर्णी, डोणगाव आदी पट्ट्यांत अत्यल्प पाऊस झाला आहे. अशीच स्थिती जिल्ह्यातील अनेक भागांत अजूनही आहे..Rainfall Deficit: पिके कोमेजू लागली, पावसाचा मोठा खंड .खानदेशात पोळा सणाच्या काळात अनेक भागांत पाऊस पडतो, असा अनुभव आहे. पुढील काही दिवसांत पोळा सण आहे. या कालावधीत पाऊस येईल, अशी अपेक्षा आहे. मात्र, रोज ऊन पडत असल्याने या दोन दिवसांत पाऊस यायला हवा, अशी अपेक्षा शेतकऱ्यांना आहे..पुढील गणिते बिघडणारअनेक भागांत पाऊसमान कमी आहे. सर्वत्र पाऊस होणे गरजेचे आहे. पुढे पाऊस न आल्यास केळी व पपई लागवडीवर परिणाम होईल. तसेच कोरडवाहू रब्बी हंगामही हवा तसा राहणार नाही, असे शेतकऱ्यांचे म्हणणे आहे..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
