Khandesh Us Galap Season: खानदेशात ऊस लागवड स्थिर असून, यंदा पाऊसमान कमी आहे. त्यामुळे दसऱ्यानंतर किंवा दिवाळीनंतर ऊस गाळपाला सुरुवात होण्याचे संकेत आहेत. खानदेशात विविध टप्प्यांत ऊस लागवड झाली आहे. सध्या ऊस पिकाची वाढ चांगली आहे. खानदेशातील साखर कारखाने खासगी व्यवस्थापनाचे असून, दर्जेदार साखर उत्पादनासाठी आवश्यक कार्यवाही केली जात आहे. यंदा साखरेचे दर वधारले आहेत. त्यामुळे पुढे उसालाही चांगला दर मिळेल, अशी अपेक्षा ऊस उत्पादकांना आहे..नंदुरबारात अधिक लागवडनंदुरबार जिल्ह्यातील शहादा आणि तळोदा तालुक्यांत ऊस लागवड अधिक आहे. ऊस लागवडीत नंदुरबार जिल्हा आघाडीवर असून, जिल्ह्यात सुमारे १६ हजार हेक्टरवर ऊस पीक आहे. जळगाव जिल्ह्यात सुमारे १५ हजार हेक्टरवर ऊस लागवड आहे. धुळे जिल्ह्यात सुमारे सात ते आठ हजार हेक्टरवर ऊस लागवड केली जाते..Sugarcane Crushing Season: ऊस गाळप हंगाम १५ ऑक्टोबरपासून.खानदेशातील तसेच नगर, छत्रपती संभाजीनगर आणि नाशिक जिल्ह्यांतील साखर कारखानेही खानदेशातून ऊस तोडणी करून नेतात. यंदा अनेक शेतकरी पपई, केळी व अन्य भाजीपाला पिकांकडे वळले आहेत. मात्र, नंदुरबार जिल्ह्यात ऊस लागवडीत सातत्य आहे. अनेक गावांतील शेतकऱ्यांनी उसाची लागवड केली आहे. गेल्या पाच वर्षांपासून खांडसरी व साखर कारखाने उसाला कमी दर देत असल्याची शेतकऱ्यांची तक्रार आहे..Sugarcane Crushing Season: यंदाचा गाळप हंगाम १५ ऑक्टोबरपासून, सरकारचा निर्णय, पण साखर उतारा घटणार?.विविध पिकांत हानीकेळीचे दर कमी आहेत. कलिंगडालाही फटका बसला असून, पपईचे नुकसान झाले आहे. त्यामुळे उसाला चांगला दर मिळावा, अशी अपेक्षा शेतकरी व्यक्त करीत आहेत. हमीचे पीक म्हणून खानदेशात उसाची लागवड केली जाते. पपई, केळी आदी पिकांना पर्याय म्हणून अनेक शेतकऱ्यांनी उसाला प्राधान्य दिले आहे. मात्र, यंदा उसाच्या निविष्ठांचा खर्च वाढला आहे..यंदाही वादळी पाऊस, बेमोसमी पाऊस आणि ढगाळ वातावरण अशा नैसर्गिक समस्यांमुळे ऊस उत्पादकांच्या अडचणी वाढल्या. शेतकऱ्यांनी योग्य नियोजन करून ऊस पीक वाढविले आहे. फवारणीचाही खर्च वाढला आहे. ठिबक सिंचनामुळे ऊस पिकाची चांगली वाढ साध्य करणे शक्य झाले आहे. पुढे चांगला दर मिळेल आणि खानदेशातील प्रमुख साखर कारखाने वेळेत सुरू होतील, अशी अपेक्षा ऊस उत्पादक व्यक्त करीत आहेत..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
