Maharashtra Farmers : नंदुरबार खानदेशात ऊस पिकाची लागवडही बऱ्यापैकी आहे. दुष्काळात काळ्या कसदार जमिनी व मुबलक जलस्रोतांच्या भागात पीकस्थिती बरी आहे. नंदुरबारात सर्वाधिक ऊस पीक असून, तोडणी लवकरच सुरू होईल, अशी अपेक्षा शेतकऱ्यांना आहे. .ऊस पिकात मध्यंतरी पांढरी माशी व अन्य किडींची समस्या होती. त्यावर शेतकऱ्यांनी नियंत्रण मिळविले. पीक पक्व होत असून, २५ ते ३० दिवसात तोडणी सुरू होईल, असे संकेत आहेत. नंदुरबारातील तळोदा व शहादा तालुक्यात पाण्याची उपलब्धता पाहता बहुतांश शेतकऱ्यांनी पूर्वहंगामी व सुरू हंगामातील उसाची लागवड केली आहे. शहादा तालुक्यात सुमारे ८ हजार हेक्टरवर ऊस पीक आहे..Banana Farm Destroyed : अज्ञाताकडून तीन एकर केळीवर तणनाशकाची फवारणी.खानदेशात सर्वाधिक ऊस लागवड करणारा तालुका म्हणून शहादा तालुका पुढे आला आहे. नंदुरबारात सुमारे १६ हजार हेक्टरवर ऊस पीक आहे. शहादा तालुक्यात मध्यंतरी ऊस पीक क्षेत्र चार ते सहा हजार हेक्टरदरम्यान होते. शेतमालाला खर्चाच्या तुलनेने मिळणारे कवडीमोल दर, मजूरटंचाई यामुळे अनेक शेतकऱ्यांनी ऊस लागवडीला पसंती दिली आहे. सुधारित जातीचे ऊस बियाणे शेतकऱ्यांना उपलब्ध झाले होते..Crop Damage Panchnama: पुणे जिल्ह्यात ८० टक्के पंचनामे पूर्ण.कमीत कमी खर्चात जास्तीत जास्त उत्पादन घेण्यासाठी शेतकरी नवनवीन तंत्रज्ञान वापरत आहे. खानदेशात तळोदा, शहादा, धुळ्यातील शिरपूर, जळगावातील चोपडा, चाळीसगाव, यावल आदी तालुक्यांत मोठ्या प्रमाणावर कूपनलिकांच्या सहाय्याने उसाची शेती केली जाते. केळी, पपई, ऊस, कापूस आदी पिकांसह विविध कडधान्यांचे उत्पादन घेतले जाते; परंतु गेल्या काही वर्षांपासून मजुरांची सातत्याने होणारी टंचाई तसेच मजुरीचे दर वाढल्याने उत्पादित मालाला लागणारा खर्चही वाढला आहे; परंतु त्या मानाने अपेक्षित बाजारभाव मिळत नसल्याने शेतकऱ्यांना शेती परवडेनाशी झाली आहे. यात उसाला काहीशी मजुरी कमी लागते, तसेच कीटकनाशकांची फवारणीही कमी लागत असल्याने अनेक शेतकरी ऊस लागवडीस पसंती देत आहेत. ज्या शेतकऱ्यांकडे मुबलक प्रमाणात पाणी आहे ते शेतकरी ऊस लागवडीकडे वळले आहेत. नंदुरबारात तीन साखर कारखाने आहेत. त्यामुळेही लागवडीला बळ मिळाले आहे..जळगावातही ऊस पीक क्षेत्र स्थिरजळगावात उसाखाली सुमारे १५ हजार हेक्टर एवढे क्षेत्र आहे. तसेच धुळ्यात सात हजार हेक्टरवर ऊस आहे. धुळ्यातील शिरपूर, साक्री भागात ऊस पीक आहे. ऊस तोडणी दिवाळीनंतर किंवा दिवाळीला सुरू होईल, तशी अपेक्षा आहे. नंदुरबारात तीन, धुळ्यात एक व जळगावात एक साखर कारखाने सुरू होतील, असा अंदाज आहे. पण, जळगाव जिल्ह्यात चहार्डी (ता.चोपडा) येथील कारखाना सुरू होईल की नाही याबाबत स्पष्टता नसल्याचे ऊस उत्पादकांनी मध्यंतरी म्हटले होते..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
