Khandesh Agriculture Update: खानदेशात कापूस बियाण्यांच्या विक्रीला अपेक्षित प्रतिसाद मिळत नसताना सरळ कापूस वाणांच्या बियाण्यांचा तुटवडा अधिक तीव्र झाला आहे. जळगाव, धुळे आणि नंदुरबार जिल्ह्यांत मिळून सुमारे २४ लाख बियाणे पाकिटांचा पुरवठा झाला असला, तरी सरळ वाणांच्या बियाण्यांचा पुरवठा अत्यल्प असल्याने शेतकऱ्यांमध्ये नाराजी व्यक्त होत आहे..खानदेशात सरळ कापूस वाणांच्या सुमारे ६ लाख पाकिटांची मागणी आहे. मात्र आतापर्यंत २० हजार पाकिटांचाही पुरवठा झालेला नसल्याचे सांगितले जात आहे. विशेषतः केळी उत्पादक पट्ट्यात या वाणांना अधिक मागणी असते. मात्र पुरवठ्याबाबत प्रशासन आणि कृषी यंत्रणा गंभीर नसल्याचा आरोप शेतकरी करीत आहेत. .Cotton Seed Shortage: सरळ कापूस वाण यंदाही अल्प.तुटवड्यामुळे काही भागांत सरळ वाणांचा काळाबाजार सुरू झाल्याची माहिती समोर येत आहे. पाचोरा, जामनेर, रावेर तसेच धुळे जिल्ह्यातील शिरपूर परिसरात जादा दराने बियाण्यांची विक्री होत असल्याची चर्चा आहे. मात्र याबाबत अद्याप कोणतीही कारवाई झालेली नसल्याची तक्रार शेतकऱ्यांनी केली आहे. जळगाव जिल्ह्यात आतापर्यंत सुमारे १७ लाख, तर धुळे जिल्ह्यात सुमारे ७ लाख कापूस बियाणे पाकिटांचा पुरवठा झाला आहे. .जळगाव जिल्ह्यात जूनअखेरपर्यंत सुमारे २७ लाख पाकिटांचा पुरवठा होण्याची अपेक्षा आहे. बियाण्यांमध्ये फसवणूक टाळण्यासाठी काही कंपन्यांनी आपल्या पाकिटांवर क्यूआर कोडची सुविधा उपलब्ध करून दिली आहे. त्यामुळे शेतकरी बियाण्यांची खातरजमा करून खरेदी करीत आहेत. काही शेतकऱ्यांनी १५ मेपूर्वीच विनापावती बियाण्यांची खरेदी केली होती. त्यामुळे जिल्ह्यात १५ ते ३१ मेदरम्यानही काही भागांत कापूस लागवड झाल्याचे दिसून आले. .Cotton Seed Shortage : शेतकरी अडकला कृत्रिम टंचाईच्या चक्रव्यूहात .१० जूनपर्यंत पूर्वहंगामी लागवड वेगात सुरू होती. मात्र कोरडवाहू आणि मोसमी पावसावर अवलंबून असलेल्या क्षेत्रातील लागवड अद्याप रखडली आहे. त्यासाठी शेतकरी समाधानकारक पावसाची प्रतीक्षा करीत आहेत. कृषी विभागानेही किमान ५० मिलिमीटर पाऊस झाल्याशिवाय लागवड करू नये, असा सल्ला शेतकऱ्यांना दिला आहे. .पूर्वहंगामी लागवड पूर्ण अनेक शेतकऱ्यांनी १५ मेनंतर कृषी केंद्रांतून अधिकृत पावतीसह कापूस बियाण्यांची खरेदी करून लागवड केली आहे. खानदेशातील पूर्वहंगामी (बागायती) कापूस लागवड जवळपास पूर्ण झाली असून ठिबक सिंचनाच्या साह्याने पिकांचे व्यवस्थापन सुरू आहे..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
