Kharif Farming: खानदेशात यंदा सोयाबीनच्या लागवड क्षेत्रात वाढ होण्याची चिन्हे असून, पेरणी सुमारे ४० हजार हेक्टरवर पोहोचण्याचा अंदाज आहे. त्यापैकी जळगाव जिल्ह्यातच सुमारे २२ हजार हेक्टरवर सोयाबीनची पेरणी होण्याची अपेक्षा व्यक्त केली जात आहे..धुळे आणि नंदुरबार जिल्ह्यांत सोयाबीनचे क्षेत्र तुलनेने कमी असून, या भागातील शेतकऱ्यांनी मका आणि कापूस पिकांना अधिक पसंती दिली आहे. त्यामुळे या दोन जिल्ह्यांतील सोयाबीन क्षेत्रात मोठी वाढ अपेक्षित नसून, एकूण क्षेत्र सुमारे १८ हजार हेक्टर राहण्याची शक्यता आहे..Soybean Farming: सोयाबीन क्षेत्र वाढीची शक्यता.जळगाव जिल्ह्यात मागील आठवड्यातच मोठ्या प्रमाणावर पेरणी झाली असून, कमी कालावधीत तयार होणाऱ्या वाणांना शेतकऱ्यांनी प्राधान्य दिले आहे. काही शेतकऱ्यांनी तुषार सिंचन आणि ठिबक सिंचनाच्या साहाय्याने पिकाला पाणी देण्याची तयारीही केली आहे..Soybean Sowing: यंदाही बुलडाण्यात सोयाबीनलाच पसंती.सध्या सोयाबीनचे बाजारभाव स्थिर असल्याने उडीद आणि मूग यांना पर्याय म्हणून अनेक शेतकऱ्यांनी सोयाबीनची निवड केली आहे. पुढील काळातही भाव टिकून राहून अधिक नफा मिळेल, या अपेक्षेत पेरणी वाढल्याचे चित्र आहे. पेरणीनंतर समाधानकारक पाऊस झाल्यास उगवण चांगली होऊन दुबार पेरणीची वेळ येणार नाही, अशी अपेक्षा शेतकरी व्यक्त करत आहेत..काळ्या कसदार जमिनीला प्राधान्यगिरणा, तापी आणि वाघूर नदी खोऱ्यातील काळ्या कसदार जमिनीत सोयाबीनची पेरणी मोठ्या प्रमाणावर झाली आहे. जळगाव जिल्ह्यात रावेर तालुक्यात क्षेत्र कमी असले, तरी यावल, चोपडा, पाचोरा, जामनेर, भडगाव, चाळीसगाव, धरणगाव, जळगाव आणि अमळनेर या तालुक्यांत पेरणी झाली आहे. तसेच नंदुरबार जिल्ह्यातील शहादा व तळोदा तालुक्यांतही पेरणी झाली आहे..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
