Jalgaon News : खानदेशात आगाप कलिंगडाची लागवड सुरू झाली आहे. अनेक शेतकऱ्यांनी पुढील महिन्याच्या मध्यात लागवड करण्याचे नियोजन केले आहे. यंदा नंदुरबारमध्ये लागवड कमी होणार असल्याची माहिती असून, खानदेशातील एकूण क्षेत्र तीन ते साडेतीन हजार हेक्टरवर जाईल, अशी स्थिती आहे. .खानदेशात रब्बीमध्ये कलिंगडाची लागवड अधिक केली जाते. ही लागवड दसऱ्यापासून सुरू होते. परंतु सध्या आगाप लागवड जामनेरसह चोपडा, धुळ्यातील शहादा भागांत शेतकरी टाळत आहेत. जळगाव जिल्ह्यात जामनेर तालुका कलिंगड लागवडीत आघाडीवर आहे. त्यापाठोपाठ चोपडा, यावल, मुक्ताईनगर भागात कलिंगडाची लागवड केली जाते. कलिंगडास अखेरच्या १५ ते २९ दिवसांत अधिकचे पाणी सिंचनासाठी लागते. रोज पाच ते सहा तास सिंचन करावे लागते..Watermelon Cultivation : खानदेशात कलिंगड हंगामास पावसाचा फटका.चोपडादेखील अग्रेसरचोपडा, यावल भागांत लागवड वाढू लागली आहे. जामनेरातील लागवडही स्थिर राहणार आहे. यामुळे जळगाव जिल्ह्यातील क्षेत्रात मोठी घट किंवा मोठी वाढही होणार नाही. धुळ्यात धुळे, शिरपूर या भागांत काही शेतकरी लागवड करतात. धुळ्यातही क्षेत्रात मोठी घट किंवा वाढ होणार नाही. जळगाव व धुळ्यात मिळून सुमारे अ़डीच हजार हेक्टरवर कलिंगडाचे पीक असणार आहे..नंदुरबारमध्ये मागील हंगामात सुमारे दीड हजार हेक्टरवर कलिंगडाची लागवड झाली होती. परंतु यंदा तेथील लागवड कमी होणार आहे. खानदेशातील एकूण क्षेत्र मागील हंगामात सुमारे सात हजार हेक्टर होते. यंदा हे क्षेत्र तीन ते साडेतीन हजार हेक्टरवरच स्थिर राहणार आहे..Watermelon Cultivation : खानदेशात कलिंगड लागवड सुरूच.मागील फटकाही नुकसानकारकमागील हंगामात सप्टेंबर व डिसेंबरमध्ये कलिंगडाचे नुकसान विषम वातावरणासह विविध रोगांमुळे झाले होते. त्यात शेतकऱ्यांनी ६० ते ७० हजार रुपये खर्च केला होता. हा खर्चही अनेकांचा वाया गेला होता. कलिंगडाचे पीक नाजूक व अधिक श्रमाचे आहे. त्यात दैनंदिन विद्राव्य खते, आवश्यकतेनुसार एक दिवसाआड फवारणी घ्यावी लागते. .यामुळे मोठे बागायतदार शेतकरी कलिंगड पिकापासून दूर राहणार आहेत, असे दिसते. अनेक शेतकऱ्यांनी कलिंगड बियाणे खरेदी करून त्यापासून रोपवाटिकांमध्ये रोपे तयार करून घेण्याचे नियोजन केले आहे. एका रोपासाठी ७० पैसे खर्च अपेक्षित आहे. तर अनेकांनी अडीच रुपये प्रतिरोप या दरात रोपवाटिकांतून रोपांची खरेदी करण्याचे नियोजन केले आहे..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
