Rabi Crop Planning: खानदेशात ऑक्टोबरमध्ये रब्बी हंगाम सुरू झाला आहे. शेतकरी पेरणीचे नियोजन करीत आहेत, पण वाफसा उन्हात नाहीसा होत असल्याने अडचण आहे. रब्बी जेमतेम राहील, अशी स्थिती कमी पावसाने तयार झाली आहे. .खानदेशात काही प्रमुख प्रकल्पांत १०० टक्के जलसाठा आहे. पाण्याचा वापरही सुरू आहे. कारण पाऊस मागील दोन महिने नाही. नंदुरबार, धुळे व जळगावात पाऊस कमी झाला आहे. जळगावचे पाऊसमान ६३२ मिलीमीटर, नंदुरबारचे ८५२ आणि धुळ्याचे पाऊसमान ५६५ मिलिमीटर एवढे आहे. सप्टेंबरमध्येच पाऊस बंद झाला..Rabi Sowing: ऑक्टोबर हिटनंतर थंडी कधी पडणार? रब्बीची पेरणी करावी का?.दिवाळीपूर्वी पेरणी अशक्यकोरडवाहू रब्बी हंगामाची पेरणी दसरा सणापूर्वीच काही शेतकऱ्यांनी काळ्या कसदार जमिनीत केली. दिवाळी सणाच्या तोंडावर आता काही शेतकरी मका लागवड करीत आहेत. तापी, गिरणा, पांझरा, अनेर आदी नद्यांच्या क्षेत्रातील काळ्या कसदार जमिनीत दसरा, दिवाळीलाच कोरडवाहू दादर ज्वारी, देशी हरभऱ्याची पेरणी करण्याचा प्रघात आहे. मागील हंगामात पाऊस अधिक असतानाही या भागात अनेकांनी कोरडवाहू दादर ज्वारी, कोरडवाहू हरभरा पिकाची पेरणी दसरा सणालाच केली होती..Buldhana Rabi Sowing Plan: बुलडाण्यात रब्बीसाठी ३.८७ लाख हेक्टरवर नियोजन.अनेक शेतकऱ्यांचे क्षेत्र रब्बीसाठी होते नापेरकोरडवाहू दादर ज्वारीसाठी खानदेशात अनेक शेतकरी क्षेत्र नापेर ठेवतात. या क्षेत्रात रब्बीतील पीक जोमात येते, उत्पादन चांगले व लवकर येते, असे शेतकरी मानतात. परंतु या नापेर क्षेत्रातही पेरणी पूर्ण झाली आहे. यंदा रब्बी हंगामाची पेरणी मुबलक जलसाठे असलेल्या भागात सुरू आहे..दिवाळीनंतर गहू, मका पेरणीला गती शक्यखानदेशात रब्बीची पेरणी बागायती कापूस पीक काढून आणखी सुरू होईल. त्यात दिवाळी सणानंतर ही पेरणी गती घेईल. कारण सध्या कापूस पिकात वेचणी सुरू आहे. वेचणी पूर्ण झाल्यानंतर बागायती कापसाखालील क्षेत्र रिकामे केले जाईल. त्यात गहू, मका पेरा तापी, अनेर नदीच्या भागात होईल. अनेक शेतकरी काबुली हरभरा त्यात पेरतील, अशी माहिती आहे..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
