Jalgaon News : खानदेशात रब्बीच्या पेरणीसाठी पूर्वमशागत आवश्यक आहे.पण वाफसा नसणे, ट्रॅक्टर उपलब्ध न होणे यामुळे रब्बी हंगामासाठी नियोजित 80 टक्के शेती पेरणीसाठी तयार झालेली नाही. यंदा दसरा सणाला हरभरा पेरणी अनेक शेतकरी करू शकणार नाही, असे दिसत आहे. .चांगल्या पावसाने रब्बीबाबत अपेक्षा आहे. परंतु पेरणी वेळेत व्हावी, अशी अपेक्षा शेतकऱ्यांना आहे. खानदेशात रब्बीत हरभरा, मका, गहू, दादर ज्वारी आदी पिकांची पेरणी अनेक शेतकरी करतात. पण सध्या पूर्वमशागतीसह खरिपातील हंगाम आवरण्यासाठी मजूर मिळत नाहीत. शेतरस्ते खराब आहेत..Chana Cultivation : काबुली हरभरा पेरा पूर्ण.बियाणे हवे तसे व हवे ते बाजारात दाखल झालेले नाही. यामुळे अनेक शेतकरी पेरणी करू शकलेले नाहीत. अनेकदा कोरडवाहू हरभरा पेरणी दसरा सणाला किंवा ऑक्टोबरच्या पहिल्या आठवड्यात केली जाते. परंतु यंदा अपवादानेच ही पेरणी होईल, अशी स्थिती आहे..कोरडवाहू रब्बी पेरणीसाठी खानदेशात धुळ्यातील शिरपूर, शिंदखेडा, जळगावातील धरणगाव, अमळनेर, जळगाव, भडगाव, चाळीसगाव आदी भाग प्रसिद्ध आहे. पण काळ्या कसदार जमिनीत वाफसा नाही. पावसाळी स्थिती कायम आहे..Chana Sowing : चांगल्या पावसामुळे हरभरा पेरणी वाढणार.बियाणे महागयंदा हरभरा बियाणे महाग आहे. मका बियाण्याची तर टंचाई आहे. जादा दरात मका बियाणे घ्यावे लागत आहे. अशातही शेतकऱ्यांना हवे तेवढे व हवे ते बियाणे मिळत नसल्याची स्थिती आहे. यामुळे रब्बीचा खर्च वाढणार आहे. .यातच पाऊस आल्यास नुकसान होईल, या भीतीनेही अनेक शेतकरी हरभरा पेरणी किंवा लागवड करणे टाळत आहेत. कारण पुढे बियाण्यावरचा खर्च आणखी वाढेल व रब्बी हंगाम लांबेल, अशी भीती शेतकऱ्यांना आहे.पेरणीची प्रतीक्षाखानदेशात आता दिवाळीनंतर रब्बीची पेरणी होईल, अशी स्थिती आहे. अद्याप कुठेही पेरणीचे नियोजन दिसत नाही. अलीकडेच पाऊस काही भागात आला. उकाडाही वाढत आहे. जमिनीतील ओलावा मात्र टिकून आहे. .ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
