Agricultural Planning: खानदेशातील तापी, गिरणा आणि अनेर पट्ट्यात आगाप खरीप कांदा लागवडीची तयारी सुरू झाली आहे. यंदा कांदा लागवड स्थिर राहण्याची किंवा किंचित घटण्याची शक्यता व्यक्त केली जात आहे..खानदेशात खरीप हंगामात सुमारे १८ ते २१ हजार हेक्टरवर कांदा लागवड अपेक्षित आहे. मुबलक जलसाठा असलेल्या भागांत लागवड काहीशी वाढण्याची शक्यता आहे, तर दुष्काळप्रवण क्षेत्रांत लागवड कमी होण्याचे चित्र आहे. मात्र, एकूण क्षेत्रात वाढ होऊ शकते, असा अंदाज व्यक्त केला जात आहे..Onion Nursery: कांदा रोपवाटिका बहरल्या, रोपांना मागणी.धुळे आणि शिंदखेडा भागात कांदा लागवड घटण्याची शक्यता असली, तरी धुळे जिल्ह्यातील साक्री तालुक्यात लागवड स्थिर राहण्याचा अंदाज आहे. धुळे जिल्ह्यात खरीप कांद्याची दरवर्षी १० ते ११ हजार हेक्टरवर लागवड केली जाते. त्यापैकी एकट्या साक्री तालुक्यातच सुमारे चार हजार हेक्टरवर कांदा लागवड होते..जळगाव जिल्ह्यातील चोपडा, यावल, चाळीसगाव, धरणगाव आणि जामनेर भागात कांदा लागवड स्थिर राहू शकते. तर नंदुरबार जिल्ह्यातील शहादा, नवापूर आणि नंदुरबार परिसरात कांदा लागवड किंचित वाढण्याची शक्यता आहे. कापूस पिकात सातत्याने नुकसान होत असल्याने अनेक शेतकरी कापूस लागवड कमी करून कांदा पिकाकडे वळत आहेत..Onion Nursery : खानदेशात कांदा रोपवाटिका निर्मितीला वेग.कांदा लागवडीसाठी बियाणे खरेदीला सुरुवात झाली आहे. अनेक शेतकऱ्यांनी कृषी केंद्रांतून बियाणे खरेदी केले असून, काहींनी परिसरातील शेतकऱ्यांकडूनही कांदा बियाण्यांची खरेदी केली आहे. लागवडीचे नियोजन करणाऱ्या शेतकऱ्यांनी कांदा रोपवाटिका तयार करण्यावर भर दिला आहे. अनेकांनी व्यावसायिक रोपवाटिका उभारण्यास सुरुवात केली असून, त्यातील रोपांची विक्रीही केली जाणार आहे..जळगाव जिल्ह्यातील धरणगाव, चोपडा, यावल, धुळे जिल्ह्यातील साक्री, धुळे तसेच नंदुरबार जिल्ह्यातील शहादा भागात कांदा रोपवाटिका तयार करण्यास या आठवड्यात सुरुवात झाली आहे. यंदा खानदेशात किमान ११० ते १२० हेक्टर क्षेत्रावर कांदा रोपवाटिका असतील, असा अंदाज व्यक्त केला जात आहे..पावसापूर्वी बी पेरणीकडे कलकांदा रोपवाटिका पावसाळ्यात किंवा पाऊस सुरू झाल्यानंतर तयार केल्यास अतिवृष्टी किंवा अनियमित पावसामुळे नुकसान होण्याची भीती असते. त्यामुळे अनेक शेतकरी याच आठवड्यात रोपवाटिकांमध्ये बियाणे पेरणीचे नियोजन करीत आहेत. पाऊस सुरू होण्यापूर्वी रोपे चांगली तयार झाल्यास पुढील काळात कमी-अधिक पावसाचा त्यांच्यावर फारसा परिणाम होत नाही, असा शेतकऱ्यांचा अनुभव आहे. त्यामुळे आगाप लागवड करणेही शक्य होते. सध्या रोपवाटिकांमध्ये ठिबक आणि मिनी स्प्रिंकलरच्या साहाय्याने सिंचन केले जात आहे..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
