Jalgaon News : खानदेशात पाऊसमान चांगले आहे. सर्वच जिल्ह्यांत पावसाने सरासरी ओलांडली आहे. ओला दुष्काळाची मागणी आहे. परंतु पुढे रब्बी जोमात येईल. रब्बीचा पेरा १०० ते ११० टक्के होईल, असे चित्र आहे. .खानदेशात हरभऱ्याची पेरणी यंदा ऑक्टोबरमध्ये किंवा पुढील पंधरवड्यात सुरू होणार आहे. क्षेत्र यंदा सुमारे १५ ते २० हजार हेक्टरने वाढून अडीच लाख हेक्टरवर पेरणी होईल, अशी माहिती आहे. हरभऱ्यापाठोपाठ तृणधान्य पिकांची पेरणी होईल. त्यात मक्याची पेरणी किंवा लागवड ६० ते ७० हजार हेक्टरवर अपेक्षित आहे..Rabi Season : रब्बी विकसित कृषी संकल्प अभियानावर तज्ज्ञांचा बहिष्कार.ओलावा टिकूनयंदा ओलावा बरा आहे. तसेच पाऊसमान चांगले राहिल्याने जलसाठे बऱ्यापैकी आहेत. यामुळे पेरणीवर परिणाम होणार नाही, अशी माहिती आहे. पेरणीत मोठी वाढही होणार नाही. कारण सर्वच शेतकऱ्यांकडे मुबलक जलसाठे नाहीत. अनेकांनी मका, ज्वारी ऐवजी हरभऱ्याची पेरणीचे नियोजन केले आहे. खानदेशात मागील वर्ष वगळता पूर्वीची तीन वर्षे रब्बीची चार लाख हेक्टरवर पेरणी झाली आहे. त्यात फक्त मागील हंगामात पेरणी कमी पावसाने घटली होती. परंतु मागील वेळेसही हरभऱ्याची सर्वाधिक एक लाख ९० हजार हेक्टरवर पेरणी झाली होती. .यंदा मात्र पेरणीत आणखी काहीशी वाढ होईल, असे मानले जात आहे. अनेक शेतकरी परंपरेनुसार हरभरा पेरणीचे नियोजन करतात. हरभरा कमी खर्च व कमी पाण्यात येणारे पीक आहे. यंदा पेरणीत किंचित किंवा १० ते १२ हजार हेक्टरने वाढ होईल, असे सध्या दिसत आहे. काही शेतकरी पुढे काबुली किंवा डॉलर (मॅक्सिको) हरभऱ्याची पेरणी करतील. यामुळे क्षेत्रात पुढे वाढही दिसू शकते. ही पेरणी धुळ्यातील शिरपूर, जळगावमधील चोपडा, यावल भागात होईल. ती तीन ते साडेतीन हजार हेक्टरवर होईल, असे सांगितले जात आहे..Kolhapur Rabi Season: कोल्हापुरात वीस हजार हेक्टरवर रब्बी पेरणीचे उद्दिष्ट.कोरडवाहू हरभऱ्याची पेरणी यंदा बऱ्यापैकी असणार आहे. ही पेरणी करण्यासाठी अनेकांना वेळ पुरेसा आहे. ओलावाही आहे. कारण पाऊस सुरूच आहे. उडीद, मूग, सोयाबीनचे पीक आल्यानंतर त्यात हरभरा पेरणी करता येईल. या कालावधीतही ओलावा राहणार आहे..काबुलीची पेरणीही वाढणार...खानदेशात केळी, पपई आदी पिकांसाठी हरभरा पिकांचे बेवड चांगले मानले जाते. यातूनही अनेकांनी जमिनीचा पोत, सुपीकता आदी बाबी लक्षात घेऊन हरभरा पेरणीचे नियोजन केले आहे. काबुली हरभऱ्याची पेरणी खानदेशात सुमारे ३० हजार हेक्टरवर होणार आहे. .यात मोठा काबुली किंवा डॉलर हरभऱ्याची पेरणी सुमारे ११ हजार हेक्टरवर होणार असल्याचा अंदाज आहे. हरभरा पीक तापी, गिरणा, अनेर, पांझरा आदी नद्यांच्या क्षेत्राचे पारंपरिक पीक आहे. याच भागात पेरणी अधिक असणार आहे, अशी माहिती मिळाली.या भागात पसंतीहरभरा पेरणीस खानदेशात जळगावमधील रावेर, यावल, चोपडा, धुळ्यातील शिरपूर, नंदुरबारातील शहादा, तळोदा भागातील शेतकरी पसंती देतात. मका पीक खर्चिक बनले आहे. त्यास पाणी व फवारण्या अधिक लागतात. तसेच अमेरिकन लष्करी अळीचेही संकट असते. यामुळे अनेकांनी मका पिकाऐवजी हरभऱ्याची पेरणी करण्याचे नियोजन केले आहे..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
